Shurupi i trëndafilit, pija që qetëson trurin. Ja si ta përgatisni… - Bota Sot
Shurupi i trëndafilit, pija që qetëson trurin. Ja si ta përgatisni…

Mjekësi alternative

Shurupi i trëndafilit, pija që qetëson trurin. Ja si ta përgatisni…

Më: 14 maj 2019 Në ora: 19:14
Ilustrim

Për shumë shqiptarë shurupi i trëndafilit zgjon ndjesinë e nostalgjisë për kohët e dikurshme, kur ishte një ndër pijet më të veçanta që zonjat e shtëpisë përgatisnin kur trëndafilat çelnin nëpër oborret e shtëpisë por edhe në natyrë.

Që nga shekulli X e deri në ditët e sotme shurupi i trëndafilit konsiderohet si një ndër pijet më fantastike jo vetëm për shijen delikate por edhe për efektet mirëbërëse që petalet e trëndafilit kanë për organizmin dhe bukurinë e jashtme.

Nëse e përdorni trëndafilin për aromën e tij, duhet të dini që kjo lule ka efekt qetësues dhe zbutës për trurin. Petalet e trëndafilit janë përdorur kryesisht në mjekësinë popullore për të detoksifikuar dhe qetësuar gjithë organizmin. Shurupi i trëndafilit ofron qetësi shpirtërore dhe mendore duke luftuar stresin.

Receta e përgatitjes së shurupit të trëndafilave në shtëpi

Përbërësit:

Petalet e 10 trëndafilave

-250 gr sheqer

-1 l ujë

-Lëngu i një gjysme kokrre limoni

Përgatitja:

Përzieni në një tenxhere ujin me petalet e trëndafilave dhe lërini me kapak të mbyllur për 24 orë. Më pas, vendosni tenxheren në zjarr, shtoni aty sheqerin dhe pasi sheqeri të jetë tretur plotësisht shtoni lëngun e limonit. Lëreni të ziejë edhe për 5 minuta e më pas lëreni të ftohet dhe ruajeni në kavanoza në frigorifer. Kullojeni para se ta konsumoni.

Vlerat dhe përfitimet që merr shëndeti nga petalet e trëndafilit

-Petalet e trëndafilit luftojnë bakteret në mënyrë natyrale duke ndihmuar mirëqenien e lëkurës.

-Trëndafili përmban sasi të mëdha të vitaminës C që në vetvete është një antioksidant i fuqishëm.

Kjo vitaminë e rëndësishme ju ndihmon të kuroni dëmet e shkaktuara tek qelizat e lëkurës, si për shembull nga ekspozimi për një kohë të gjatë në diell.  Merrni dy grushta me petale petale dhe zhytini në 100 ml me ujë. Pas 2 ose 3 orësh, shtypini petalet në ujë, filtrojeni dhe e keni gati për përdorim.

-Disa studime kanë treguar që uji i trëndafilit ndihmon në parandalimin e djegies nga dielli.

Trëndafili është plot vlera për ata që kanë një lëkurë të ndjeshme, sepse sheqernat tek petalet krijojnë një ndjesi të këndshme qetësimi tek lëkura.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...