Në këtë periudhë të vitit, e vështirë të komandosh gjymtyrët. Ndihesh si i këputur, i zbrazur nga energjitë dhe më i acaruar se zakonisht. Të qetëson disi fakti se edhe kolegu/ ia përbri ka të njëjtin problem. Po ashtu dhe shumica e njerëzve që ke takuar së fundmi. Është i gjithi faji i vapës që rrit temperaturën e trupit dhe modifikon sjelljen tonë. Tre mjekë francezë: Rémi Mifsud, Alexandra Murcier, Xavier Ballongue shpjegojnë fenomenin për “Madame-Le Figaro”.
TONUS ZERO
Nxehtësia ndikon në mënyrë direkte në lodhjen tonë. “Kur bën shumë vapë, temperatura e trupit rritet. Kështu, trupit i duhet të shpenzojë energji për ta rregulluar”, shpjegon Alexandra Murcier. Ky aksion provokon goditje lodhjeje, dhimbje koke dhe ndonjëherë edhe të përziera. Po ashtu edhe humbja e ujit dhe në veçanti humbja e kripërave, përmes djersitjes, sjell lodhjen e trupit.
“Kur djersijmë, humbja e kë- tyre dy elementëve shkakton një kolpo tensioni. Kështu që, duhet kompensuar duke përzier pak kripë në një shishe me ujë. Kujdes që ta pini në sasi të vogla, që të mos provokoni prishjen e ekuilibrit të ujit në gjak, pasi nuk do të ndiheni mirë”, thekson Dr. Rémi Mifsud.
ULEN AFTËSITË SPORTIVE
Nëse temperaturat tregojnë 30 gradë, mos tentoni të thyeni rekordin tuaj. “Kapacitetet tona muskulare zvogëlohen me rritjen e nxehtësisë. Do të lodheni, do të keni më pak rezistencë, sidomos nëse nuk konsumoni ujë”, thotë dietologia Alexandra Murcier. “Rikuperimi është i vështirë dhe humbasim pak nga reflekset tona. Kështu, nuk mund të ecim më shpejt”, thotë dr. Mifsud.
Humbje oreksi
“Në të vërtetë, nuk është se ne kemi më pak uri, por vetëm se trupi ynë ka nevojë për më pak kalori për shkak të temperaturave. Gjithashtu, dëshiron të hash më lehtë”, thotë mjeku Xavier Ballongue. Në dimër, përkundrazi, trupi djeg më tepër kalori për t’u ngrohur, çka rrit edhe ndjesinë e urisë. Ndërsa tani, trupi është më shumë “i zënë me punë” të ulë temperaturat sesa të ushqehet. “Ai eviton të bëjë përpjekje të tjera, si ai i të ngrënit dhe të treturit”, shpjegon Alexandra Murcier.
Humor i keq
Kur temperaturat ndryshojnë, kjo ndikon në humorin tonë. Sipas Rémi Mifsud “kur djersijmë fillojmë dhe ndihemi keq. Konkluzioni: irritohemi dhe bëhemi me nerva shpejt”. Temperaturat e larta na bëjnë nervozë, më shumë se ç’jemi zakonisht. Por dr. Ballongue ndalet që të nënvizojë edhe efektet pozitive të diellit. “Në përgjithësi dielli ka më shumë efekte pozitive se negative. Ju ngre moralin dhe është një antidepresiv i shkëlqyer”.
Rënia e libidos
Nëse rikthimi i diellit në pranverë përgjithësisht “i çmend” hormonet, të nxehtët e verës mund që të frenojnë dëshirën seksuale. “Kur bën më shumë se 30 gradë celsius në hije, nuk kemi dëshirë që të kemi një aktivitet seksual intensiv. Temperatura ndikon në formën tonë dhe mund të shkaktojë një rënie momentale të libidos”, thotë Alexandra Murcier.
Rregullat që duhen respektuar kur bën vapë
– Konsumoni lëngje përpara se të keni etje, në sasi të vogla përgjatë gjithë ditës, dhe në temperaturën e ambientit.
– Evitoni aktivitetet sportive në orët e nxehta të ditës –
Parashikoni një kohë rikuperimi të gjatë pasi keni bërë sport.
-Konsumoni fruta e zarzavate për t’u hidratuar
