Duket sikur prodhuesi i baterive Energizer është gati të hidhet vetë në tregun e telefonave. Kompania duket e vendosur për të luajtur në pikat e forta të saj me një fokus në qëndrueshmërinë e jetës së baterisë, falë celulës 18.000 mAh.
Kjo është një bateri serioze. Për krahasim, iPhone XS përmban një bateri prej 2,658 mAh.
Huawei është një nga drejtuesit kur është fjala për shtrydhjen e celulave më të mëdha të baterive në telefonat e tyre jashtëzakonisht të famshëm. Është Huawei Mate 20 Pro që krenohet me një bateri prej 4,200 mAh – diçka që mund të tejkalohet me Huawei P30 Pro e ardhshëm, që do të lansohet në mars të vitit 2019 në Paris.
Sipas GSMArena, ne mund të presim që Energizer të debutojë me 26 telefona në MWC 2019, më vonë këtë muaj. Këto do të bien në katër linja telefonike: Power Max, Ultimate, Energy dhe Hardcase.
Linja Ultimate gjithashtu duhet të shfaqë një telefon me një kamerë të dyfishtë që del në sipërfaqe kur shtypet, që do të thotë se ekrani do të jetë i plotë.
Modeli Ultimate pritet të vijë me një ekran FHD + 6 inç dhe tri kamera të pasme, me sensorë 16MP, 5MP dhe 2MP.
