Pas informacioneve të mëhershme se do të ketë një version të telefonit Xiaomi Mi 9 me pamje transparente në anën e pasme, tani është shfaqur edhe teaser zyrtar i pajisjes.
Telefoni do të quhet Xiaomi Mi 9: Battle Angel, dhe përfaqëson bashkëpunimin midis producentit kinez dhe filmit Alita: Battle Angel.
Pajisja do të ketë çip Snapdragon 855 me një sistem kamerash me tre drejtime në anën e pasme dhe opsionet për mbushjen Qi Wireless. Ka mbishkrime në pajisje, të tilla si "MIUI" dhe "Super MI", duke treguar ndërfaqen e përdoruesit dhe teknologjinë e rritjes së CPU që duhet të lejojë performancën maksimale.
Ndonëse nuk ka informacion zyrtar rreth çmimit të këtij telefoni, pritet që Xiaomi Mi 9: Battle Angel të kushtojë rreth 785 euro. Telefoni do të dal në shitje në Kinë më 22 shkurt.