Zbulohet çmimi i Samsung Galaxy Note10 dhe Note10+ - Bota Sot
Zbulohet çmimi i Samsung Galaxy Note10 dhe Note10+

Mobile

Zbulohet çmimi i Samsung Galaxy Note10 dhe Note10+

Më: 14 korrik 2019 Në ora: 06:52
Samsung Galaxy Note10+

Samsung Galaxy Note10 dhe Note10+ priten të lansohen më 7 gusht, por tashmë tani janë zbuluar çmimet e tyre.

Sipas uebfaqes gjermane winfuture.de, Galaxy Note10 në Evropë do të fillojë të shitet me çmim prej 999 euro ndërsa Galaxy Note10+ prej 1.149 euro, shkruan gsmarena. Modelet bazike të të dy këtyre smartfonëve të rinj do të vijnë me hapësirë të brendshme prej 256 GB.

Çmimet e këtyre smartfonëve të rinj të Samsungut mund të dallojnë nga regjioni në regjion, varësisht nga zbritjet dhe detajeve tjera që do të ofrohen nga shitësit.

Gjithashtu, Samsungu nuk ka zbuluar shumë rreth dyshes Note10 por fotografitë e publikuara zbuluan se Note10 dhe Note10+ kanë dizajn të ngjashëm, përveç faktit se ky i fundit vjen me ekran më të madh dhe një kamerë më shumë në pjesën e pasme.

Raportimet më të fundit, po ashtu, kanë konfirmuar heqjen e portit për kufje dhe butonit “Bixby” nga seria Note10, me çelësin “Power” të vendosur në anën e majtë nën butonat për zë.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...