Apple dhe Google kanë hequr 300 aplikacioni financiare nga dyqanet e tyre respektive online pas ndërhyrjes së autoriteteve australiane.
Autoritetet e këtij vendi kishin bërë kërkesë pranë Apple dhe Google për disa raste mashtrimi me aplikacionet nga operatorë të pa licencuar.
Këto aplikacione inkurajonin vendosjen e basteve mbi instrumente financiarë si aksione kompanish apo valuta.
Ndërsa ka pasur raste brenda kuadrit ligjor, është vënë re një shpërthim i produkteve të pa licencuar të cilët me sukses kanë shmangur autoritetet vitet e fundit.
Disa prej këtyre aplikacioneve bëjnë premtime “të egra” për përdoruesit duke i mashtruar rreth përqindjes së fitimit që mund të arrihet. Autoritetet Australiane thanë se ky është një problem global.
Apple ka përditësuar regulloren e zhvilluesve ku ndalon aplikacionet e reja të cilat synojnë të thjeshtë “tregtinë binare.”
Janë cituar raste kur konsumatorët nuk mund të merrni pas paratë nga llogaritë e tyre apo të realizonin baste fituese. Apple ka hequr aplikacionet globalisht ndërsa Google nuk dihet nëse masat e marra vlejnë vetëm për Australinë. /CIO Albanian
