Grupi British Telecom (BT) ka njoftuar se do të largojë Huawei Technologies nga baza kryesore e operacioneve ekzistuese 3G dhe 4G dhe nuk do të përdorë produktet e një kompanie kineze në pjesët qendrore të rrjetit të saj të ardhshëm, raporton Reuters.
Zelanda e Re dhe Australia i ndaluan kohët e fundit operatorët e telekomit nga përdorimi i pajisjeve të Huawei në rrjetet e reja 5G, duke përmendur shqetësimet rreth "përzierjes" së mundshme të qeverisë kineze në infrastrukturën e tyre të komunikimit.
Huawei, prodhuesi më i madh i pajisjeve të rrjetit në botë para Ericsson dhe Nokia, tha se Pekini zyrtar nuk ka ndikim në biznesin e tyre. BT shpjegoi në një deklaratë se pajisja Huawei nuk ishte përdorur në bazën e rrjetit të tyre fiks dhe u hoq nga rrjetet mobile që mori në vitin 2016, me blerjen e operatorit EE.
Grupi britanik shtoi se ky proces synon të harmonizojë rrjetet EE me pjesën tjetër të biznesit të tyre, përndryshe BT do të duhet të ndryshojë politikën e saj të biznesit.