Kori Siparantum i Pejës përfaqëson Kosovën në Belgjikë - Bota Sot
Kori Siparantum i Pejës përfaqëson Kosovën në Belgjikë

Muzikë

Kori Siparantum i Pejës përfaqëson Kosovën në Belgjikë

Më: 16 shtator 2019 Në ora: 13:01
Siparantum Choir

Siparantum Choir është përzgjedhur për herë të parë në garat internacionale të koreve evropiane ‘The 15th edition of the biennial International Choir Contest Flanders’, organizuar nga VZW International Choir Contest Flanders në Belgjikë.

Duke e marrë parasysh rëndësinë e këtij festivali prestigjioz dhe përzgjedhjen e shtetit tone në mesin e shumë shteteve nga mbarë Evropa, të cilët kanë traditë korale qindra-vjeçare, Kosova paraqitet për herë të parë në këtë festival.

Kori Siparantum do të paraqitet në kategorinë e koreve miks me program të kompozitorëve të njohur botërorë dhe shqiptarë. Siparantum në programin e vet  paraqitet në festival po ashtu me veprën e kompozitorit të njohur flaman, Jan Van Der Roost.

Festivali do t’i paraprijë hapja me ansamblin e njohur vokal në botë “The Kings Singers”.

Këtë vit festivali mbahet në qendrën kulturore C-Mine nga data 4-6 tetor në Genk lokacion i përsosur për akustikën korale.

Më datën 7 tetor në ora 20:00 në Bruksel, Siparantum Choir paraqitet me koncertin e radhës organizohet nga Les Grandes Heures de la Cambre. Koncerti do të mbahet në Church of the Abbey of Notre Dame de la Cambre at Brussel. 

Në këtë koncert kori Siparantum paraqitet me vepra të kompozitorëve të njohur botëror Bennet, Josquin Des Prez, Rheinberger, Whitacre, Gjeilo etj. dhe kompozitorë të njohur shqiptarë, Kasapolli, Rudi, Kelmendi etj.

Ndryshe, në këtë festival marrin pjesë edhe Belgjika, Sllovenia, Republika Çeke, Hungaria etj.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...