Hidhen në ankand flokët e Kurt Cobain, të prera në vitin 1989

Muzikë

Hidhen në ankand flokët e Kurt Cobain, të prera në vitin 1989

Më: 13 maj 2021 Në ora: 20:31
Kurt Cobain

Kitarat e Eddie Van Helenit, Eric Claptonit e Aerosmithit, kujtimet e nënshkruara nga “The Beatles” dhe disa fije floku të Kurt Cobain, do të jenë në mesin e gjërave që do të vihen në një ankand online të rock’n rollit, e i cili pritet të përfundojë brenda disa javësh.

Gjashtë fije floku të ikonës së rokut, vokalistiti të “Nirvanas”, do të jenë pjesë e ankandit, e po ashtu një kitarë e rrallë e grupit, e nënshkruar.

Flokët e Kurt Cobain ishin prerë nga një shok i tij në vitin 1989, ndërkohë që oferta minimale për to do të jetë 2,500 dollarë.

Një kitarë të cilën Cobain e kishte përdorur gjatë një paraqitjeje “Unplugged” për MTV-në, ishte shitur më parë për 6 milionë dollarë.

Ankandi i cili këtë radhë përmban edhe flokët e Cobain, do të mbyllet të shtunën, më 15 maj, derisa një pjesë e të ardhurave që do të sjellë ai, do t’i ndahen një fondi që ndihmon muzikën.

Sot mund të lexoni Shfletoni kopertinat