“Oreks i jashtëzakonshëm për këngë Krishtlindjeje” - Bota Sot
“Oreks i jashtëzakonshëm për këngë Krishtlindjeje”

Muzikë

E martë, 16 tetor 2018

“Oreks i jashtëzakonshëm për këngë Krishtlindjeje”

Më: 10 dhjetor 2017 Në ora: 13:31
Foto ilustrim

Këngët e Krishtlindjes janë pjesë e pandashme e sezonit festiv, por kremtimet, gjithmonë e më të mëdha të fundvitit, kanë rritur edhe kërkesën e publikut për këngë të tjera, përveç atyre tradicionale.

Plot 300 pjesë të reja janë shkruar këtë vit nga kompozitorë modernë në Britaninë e Madhe dhe do të këndohen në kore, kisha, shkolla e transmetues televizivë.

“Ka një oreks të jashtëzakonshëm për këngë të tilla”, thotë një kompozitore e angazhuar për këtë qëllim, Roxanna Panufnik.

Frymëzimin, Roxanna e mori nga lindja e fëmijës së një mikeshe, por edhe nga vet besimi i saj katolik.

Megjithatë, krijuesit e këngëve të Krishtlindjes nuk janë gjithmonë besimtarë. Toby Huelin, një agnostik, ka kompozuar shumë të tilla për shkolla, e këtë vit ka nxjerrë 3 të reja.

“Për mua, e rëndësishme është muzika që bashkon njerëzit. Ajo është një prej gjërave më të bukura të Krishtlindjes”, thotë ai.

Ashtu si Panufnik, edhe Huelin ka arritur të zbulojë se këngët e Krishtlindjes janë një mënyrë ideale për t’i prezantuar muzikën moderne edhe audiencave më konservatore.

Me koret e mbytura nga kërkesat dhe mijëra njerëz që mbushin shërbesat e koncertet, kjo industri po njeh një lulëzim të veçantë në periudhën më të bukur të vitit.

Sot mund të lexoni Shfletoni kopertinat
Sondazh
test