Në muajin prill është dashur të mbahet koncerti i Tre Muskjeterëve në Prishtinë, por një planifikim i tillë tash për tash nuk mund të realizohet.
Koncerti në përbërje të Elton Dedës, Redon Makashit dhe Aleksandër Gjokës ishte paraparë të mbahet në Sallën 1 Tetori në Prishtinë, dhe për një organizim të tillë patën ardhur edhe vetë artistët që të koordinonin punët.
Mirëpo, një gjë e tillë duket se do të zvarritet.
Elton Deda ka thënë për kultplus se ky koncert është lënë pezull për shkak të fondeve.
“Ne do ta bëjmë koncertin kur do ti gjejmë paratë. E kemi sqaruar që kemi shumë logjistikë me vete”, ka thënë Deda, i cili ka thënë se kur të jenë gati do të bëjnë edhe paralajmërimin.
Kurse ky grup me një koncert të ngjashëm u pat prezantuar në Tiranë dhe të njëjtin kishin dashur ta sillnin edhe në Kosovë.
