Dy gorilla janë fotografuar, dhe është e dukshme se kanë bërë mimika të sjelljeve njerëzore, në një selfie të rrallë në Parkun Kombëtar të Virungas në Republikën Demokratike të Kongos, ku shkrepësi i fotografisë, ishte një i huaj që e vizitoi parkun.
Gorillat femra, të quajtura Ndakazi dhe Ndeze, paraqiten para kamerës, me të njëjta pozita që i bën edhe një njeri.
Njëra qëndron krenare përpara telefonit, me këmbët e ndara nga njëra-tjetra, ndërsa gorilla tjetër bën një hap përpara, duke tentuar që të jetë pjesë e fotografisë.
“Këto vajza gorilla, janë gjithmonë sharmante, dhe kjo ishte shkrepje e fotografisë në momentin perfekt, që tregon edhe personalitetet e tyre” shkruhet në llogarinë e Instagramit të Parkut Kombëtar të Virungas.
“Gjithashtu nuk është befasi që i shohim këto vajza në këmbët e tyre, shumica janë më rehat kur ecin si njerëz”, thuhet në fotografinë e postuar në Instagram.
Në këtë park gjenden rreth 1000 gorilla. Më shumë se 600 punëtorë kujdesen për to, në një perimetër prej 3000 metër katrorë.
