Gruaja i dhuron veshkën ish-partnerit, në mënyrë që vajzat e saj të mos e humbnin babanë - Bota Sot
Gruaja i dhuron veshkën ish-partnerit, në mënyrë që vajzat e saj të mos e humbnin babanë

Ndryshe

Gruaja i dhuron veshkën ish-partnerit, në mënyrë që vajzat e saj të mos e humbnin babanë

Më: 12 shtator 2019 Në ora: 18:15
Kelly Hope dhe Dan Pyatt me femijet e tyre

Pesë vjet pas divorcit, Kelly kryen një akt të dashurisë së sinqertë për babanë e vajzave të saj. Çiftet që divorcohen e bëjnë atë për disa arsye. Sidoqoftë, një gjë që është pothuajse e zakonshme në marrëdhëniet që mbarojnë paqësisht është fakti që, në këto shtëpi, ndarja nuk dëmton kujtimet e mira dhe dashurinë që ndiejnë për njëri-tjetrin. Dhe veçanërisht nëse ky çift i dikurshëm ka fëmijë së bashku, lidhja është e përhershme, pavarësisht nga gjendja e marrëdhënieve mes tyre.

Kelly Hope është një grua 43-vjeçare, e cila, pavarësisht se është ndarë për më shumë se 5 vjet nga ish-partneri i saj Dan Pyatt, është akoma e gatshme ta ndihmojë atë me gjithçka që i nevojitet. Dan filloi të kishte një problem në veshka dhe qëndroi brenda dhe jashtë spitaleve për një vit. Zgjidhja e vetme për problemin e tij ishte gjetja e një dhuruesi për transplantin e veshkave.

Pasi ishte në listën e pritjes dhe nuk mori lajm të mirë, ish-gruaja e tij Kelly vendosi të bënte testin për të parë nëse veshka e saj përputhej me Danin. Për fat të mirë, rezultatet ishin pozitive. Sidoqoftë, Dan nuk dëshironte ta ekspozonte atë ndaj rrezikut. “Ai më tha, ‘Unë nuk dua që ta bësh.’ Por unë i thashë, “Vendimi nuk varet nga ju. Është vendimi im. Unë i kam marr parasysh rreziqet dhe do ta bëj”, tha Kelly.

Image

Pavarësisht nga fakti që ata nuk ishin më bashkë, ajo nuk do lejonte që vajzat të humbnin babanë dhe do të ishte e gatshme të bënte gjithçka për ta ndihmuar atë, në fund të fundit, ky është ai që ajo e donte aq shumë dhe me të cilin ndau pjesën më të madhe të jetës së saj. Për fat të mirë, transplanti u krye me sukses dhe tani ndajnë kohë së bashku dhe marrëdhënia e tyre është bërë edhe më e fortë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...