Po i propozonte të dashurës nën ujë për martesë, mbytet

Ndryshe

Po i propozonte të dashurës nën ujë për martesë, mbytet

Më: 21 shtator 2019 Në ora: 11:09
Steven Weber Jr. dhe Kenesha Antoine

Një burrë nga Luiziana u mbyt ndërsa i propozonte për martesë të dashurës së tij nën ujë.

Steven Weber Jr. dhe Kenesha Antoine ishin me pushime në Tanzani kur ndodhi incidenti tragjik.

Steven nuk arriti të dilte kurrë më nga uji, për të dëgjuar përgjigjen e të dashurës së tij.

Antoine në një postim në Facebook tregoi foto dhe video nga momenti i propozimit.

"Nuk dolle kurrë nga ajo thellësi, kështu që nuk munde ta dëgjosh përgjigjen time: Po! Po! Një milion herë, po, do të martohem me ty!"-shkroi ajo. "Kurrë nuk u përqafuam për të festuar fillimin e pjesës tjetër të jetës sonë së bashku, pasi dita më e bukur e jetës sonë u shndërrua në më të keqen, në kthesën më të paimagjinueshme."

Në video, Weber shihet duke notuar nën ujë dhe mban një çantë me një shënim të shkruar me dorë.

"Nuk mund ta mbaj frymën aq gjatë sa t'ju them gjithçka që dua tek ty. Por gjithçka që dua tek ty, e dua çdo ditë e më shumë,"-shkruhej aty.

Ndërsa në pjesën e pasme Weber i kërkoi Antoine të martohej me të.

Më pas nxjerr një unazë dhe hap kutinë ndërsa Antoine qesh në sfond.

Por nuk është raportuar se si ndodhi incidenti i mbytjes së tij.

commentFirst article
Sot mund të lexoni Shfletoni kopertinat