Një grua nga Melburn i është dashur të shtrohej me urgjencë në spital në mes të festës së saj të ditëlindjes pasi ajo duke konsumuar luleshtrydhe gjeti një gjilpërë të fshehur brenda.
Gruaja e David Chapman, Skye, ishte duke festuar ditëlindjen e 30-të, kur mori për të ngrënë një prej luleshtrydheve të mbuluara me çokollatë në majë të tortës së ditëlindjes.
Luleshtrydhet u blenë nga një dyqan Coles, në verilindje të Melbourne. Ndërsa e kafshoi pak, ajo vuri re një gjilpërë të madhe e cila u shfaq nga frutat.
“Ajo ishte ulur duke ngrënë luleshtrydhe në ditëlindjen e saj, dhe pasi e kafshoi pak atë, aty ishte një gjilpërë e madhe. Ishte pothuajse gjithë gjatësia e luleshtrydhes. Ajo ishte në të vërtetë në gojën e saj dhe për fat të mirë ajo e tërhoqi atë”, tha z. Chapman.
Skye më pas iu desh të kalonte natën në dhomën e urgjencës pasi ndjeu se diçka ishte mbërthyer në fyt. "Ne e vëzhguam atë dhe ajo më tha që kishte zbritur pak, kështu që ne e çuam në spital. Duket sikur ajo ka diçka tjetër të mbërthyer në fyt, nuk është metal por duket se mund të kenë futur diçka tjetër të huaj atje. Mund të ketë qenë pak plastikë ose fundi i një kruese dhëmbësh, mund të jetë gjithçka” tha ai.
Chapman tha që Skye po hante luleshtrydhet me fëmijët në atë kohë dhe mund të kishte qenë lehtësisht një prej tyre që binte në kontakt me gjilpërën.
Një zëdhënës i Coles tha se ata kanë folur me Skye pasi u bë një ankesë për incidentin. "Coles merr sigurinë e ushqimit që ne shesim dhe ne kemi folur me klientin për të ndjekur ankesën e tyre.
Ne kemi punuar me furnizuesit tanë të luleshtrydheve për të zbatuar masa shtesë kontrolli për të siguruar që luleshtrydhet të inspektohen para se ato të dërgohen në supermarkete. Ne kemi njoftuar policinë dhe do të vijojmë me hetimin e çështjes”, tha zëdhënësi.
Policia Victoria konfirmoi se po hetonin raportet e ndotjes së luleshtrydhes në Eltham, së bashku me një raport tjetër të ngjashëm në Fairfield.
