Pse janë shtuar ëndrrat e frikshme gjatë karantinës? - Bota Sot
Pse janë shtuar ëndrrat e frikshme gjatë karantinës?

Ndryshe

Pse janë shtuar ëndrrat e frikshme gjatë karantinës?

Më: 25 prill 2020 Në ora: 09:41
Ilustrim

Nëse po sheh shumë ëndrra të frikshme këto kohë aspak të lehta, nuk je i/e vetëm. Së fundmi, e gjithë bota është në një ëndërr të frikshme.

Ëndrrat e këqija që po shohin mijëra njerëz në botë gjithnjë e më shumë po shfaqen për një arsye.

Të kuptohemi drejt, ato na përndjekin gjithmonë, por në këto kohë karantine asnjë nuk gjen rehatinë.

Në minimalisht 8 orët që ti kalon në gjumë, në një të katërtën e kohës je në ëndërr. E vërteta është se gjatë një ngjarjeje apo vendimi shumë të rëndësishëm, qoftë pozitiv apo negativ, njerëz shohin shumë ëndrra të këqija, të çuditshme, misterioze, që duken aq reale.

Kjo do të thotë se gjatë pandemisë së koronavirusit, që po cilësohet si katastrofa që ndodh një herë në brez, mendja jonë po na çon në rrugëtime të thella drejt subkoshiencës.

Kur pandemia shpërtheu anëembanë botës dhe njerëzit filluan të futeshin në karantinë e të praktikonin distancim social, Dr. Deirdre Barrett pranë Universitetit të Harvard publikoi një pyetsor në faqen e saj në Facebook.

Pyetsori kishte të bëntë për ëndrrat në kohën e pandemisë. 1,800 persona e plotësuan atë në tre javë.

Ndonëse bëhet fjalë për fillimin e një studimi më të gjerë, Barrett mendon se virusi COVID-19 ka një ndikim shumë të thellë në subkoshiencën dhe tablonë kolektive të ëndrrave.

Pyetsori tregoi se disa kishin parë ëndrra sikur do të vdisnin nga COVID-10, të tjerë sikur ishin sëmurë dhe nuk arrinin të shkonin dot në spital. Shumë prej personave që iu përgjigjën pyetsorit thanë se subjekti i ëndrrës së keqe kishte qenë fëmijë, partneri/ja, prindërit e njerëz të dashur.

Disa syresh kishin parë ëndrra të këqija me insekte të ndryshme që i vërsuleshin, që simbolizojnë koronavirusin në subkoshiencën tonë.

I njëjti fenomen, pra ai i ëndrrave me buburrecë e insekte, është vënë re gjatë Gjermanisë naziste.

Pas sulmeve të 11 Shtatorit, njerëzit panë me muaj me rradhë ëndrra me të dy kullat, ose metafora të ngjashme.

Tani njerëzit po shohin ëndrra me monstra, vrasje, zombi, vrasës, që shpesh futen edhe në kategorinë e maktheve që të shtijnë të dridhurat.

Ndër makthet që po shohin njerëzit, vërehet ai i të mos pasurit oksigjen ose respiratorë ndërsa janë sëmurë me COVID-19.

Këto makthe janë të këqija sepse ngjajnë reale dhe përjetimi është i vërtetë në qelizë.

Edhe mjekët shohin ëndrra të këqija dhe makthe. Por në subkoshiencën e tyre është frika se mos ata bëhen përgjegjës për humbjen e një jete.

Trauma e koronavirusit është e thellë, megjithatë besohet se si vetë pandemia edhe ëndrrat eventualisht do të zhduken.

Të paktën kështu ka ndodhur pas sulmeve të 11 Shtatorit në SHBA. Kullat ranë dhe ishte një ngjarje që nuk përsëritet. Problemi me koronavirusin është se do ta përndjekë njerëzimin për kushedi sa kohë.

Kësisoj, një gjë e tillë do të ndezë metaforat në subkoshiencën tonë. Një ëndërr që mund të reflektojë frikën ndaj së ardhmes është ajo e të parit veten në një ambient të populluar ndërsa mëson që është kthyer koronavirusi dhe ti nuk ke maskë.

Cila Është Domethënia e Ëndrrave?
Deri më tani shkencëtarët nuk kanë rënë dakord për domethënien e ëndrrave.

Egjiptianët e lashtë mendonin se ëndrrat ishin mesazh nga Perënditë. Frojdi mendonte se ato simbolizojnë dëshirat e nënshtruara. Jungu mendonte se ato tregonin konfliktin e brendshëm.

Disa të tjerë mendojnë se ëndrrat nuk kanë asnjë kuptim.

Kjo situatë është padyshim e vështirë dhe fakti që nuk e dimë se kur do të mbarojë na mban mbi gjemba. Do të duhet pak kohë dhe gjërat do të kthehen në vendin e vet dhe atëherë ëndrrat do të kenë ngjyra dhe kuptime të tjera.

Shfaq komentet
comments powered by Disqus
Sot mund të lexoni Shfletoni kopertinat