Flota detare ruse po kritikohet nga përdoruesit e mediave sociale për vrasjen e një ariu dhe këlyshit të saj në një nëndetëse bërthamore, shkruan BBC-ja.
Kafshët ishin ngjitur në nëndetëse ndërsa ishte ankoruar në bazën ushtarake në Viluçinsk në Kamçatka, dhe më pas u vranë.
Forca Detare thotë se situata nuk mund të zgjidhej ndryshe dhe i ka bërë thirrje rojes së pyllit që t'i "neutralizojë kafshët e egra".
Pasi pamjet e ekzekutimit u postuan në internet, përdoruesit e mediave sociale akuzuan Marinën për mizori të panevojshme.
"Thelbi i Rusisë është në këtë video", lexohet në një nga komentet.
Pamjet u publikuan më 8 nëntor, por nuk dihet kur ndodhi ngjarja në të vërtetë.
Pamjet tregojnë një nga arinjtë që bie në ujë pasi dyshohet se u qëllua.
Një zë mashkullor që mund të dëgjohet në regjistrim thotë se arinjtë do të ishin drejtuar për në fshatrat afër po të ishin përzënë nga nëndetësja.
A bear and it’s cub climbed aboard a Russian Pacific Fleet submarine (looks like either the Aleksandr Nevsky or Vladimir Monomakh Project 955 Borei SSBN) at Russia’s Rybachiy submarine base in Kamchatka. The bear was shot at the end of the video. https://t.co/9qazBanWnu pic.twitter.com/RW8kHJLx9H
— Rob Lee (@RALee85) November 9, 2020
Arinjtë besohet se kanë notuar përtej gjirit dhe, për arsye të panjohura, hipën në nëndetëse.
Rreth 24,000 arinj jetojnë në Kamçatka dhe shpesh mund të shihen në plazhet lokale.
Vitin e kaluar, më shumë se 50 arinj polarë sulmuan fshatin Rirkaipij në qarkun autonom Çukotka, duke bërë që të gjitha aktivitetet publike të anuloheshin dhe rojet të vendoseshin para shkollave.
Ekspertët thonë se ndryshimi i klimës mund të fajësohet për këto migrime, të cilat më shpesh motivohen nga uria.