Delfinët mund ta njohin njëri-tjetrin përmes shijes së urinës, tregon studimi

Ndryshe

Delfinët mund ta njohin njëri-tjetrin përmes shijes së urinës, tregon studimi

Më: 19 maj 2022 Në ora: 21:42
Foto ilustrim

Studiuesit në Universitetin e ‘St Andrews’ kanë zbuluar se delfinët mund të njohin miqtë dhe anëtarët e familjes pa i parë apo dëgjuar, përmes urinës dhe jashtëqitjeve të tjera.

Për ta zbuluar këtë, Profesori Vincent Janik dhe kolegët e tij, Jason Bruck dhe Sam Walmsley, testuan se si delfinët reaguan ndaj mostrave të urinës nga delfinë të ndryshëm.

Sipas studimit, krijesat e detit ishin shumë më të interesuara për urinën e atyre që njihnin sesa ato që nuk i njihnin.

“Delfinët eksploruan mostrat e urinës për më gjatë nëse vinin nga kafshë të njohura”, tha Vincent Janik, autori kryesor i studimit.

“Ne ende dimë shumë pak se si funksionon shqisa e shijes tek delfinët. Studime të tjera kanë treguar se ata kanë humbur shumë nga shijet e zakonshme që gjejmë te gjitarët e tjerë”, shtoi Janik.

Për shkak të këtij zbulimi, studiuesit besojnë se delfinët kanë një përvojë të ndryshme shije nga gjitarët e tjerë, raporton Guardian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat