Një palë pinca metalike u lanë brenda një pacienti në një spital të Worcestershire, Angli.
Gabimi ndodhi gjatë një operacioni shtatë-orësh në spitalin Alexandra më 23 nëntor.
Në rrethana normale, të gjitha pajisjet duhet të numërohen dhe kontrollohen dy herë përpara se operacioni te pacienti të mbarojë. Por infermierët dhe mjekët zbuluan se pincat mungonin dhe se ishin brenda pacientit ndërsa ai ishte ende nën anestezi.
Pasi nuk mundën t’ia hiqnin, pacienti u transferua në terapi intensive gjatë natës. Një operacion i mëtejshëm u krye të nesërmen për të hequr pincat dhe pacienti u kthye në terapi intensive. Tani gjendja e tij është më e mirë dhe stafi po heton gabimin që ndodhi me lënien e pincave brenda barkut të pacientit.
