Një kuzhinier kanadez ka furnizuar të rinjtë në Britani me një helm vdekjeprurës që të vrisnin veten. Kenneth Law, për dy vite ua kishte dërguar substancën njerëzve vulnerabël anembanë botës nga një zyrë postare pranë Torontos. Deri në shtatë vdekje, përfshirë katër në Mbretërinë e Bashkuar, janë të shkaktuara nga helmi.
Mësohet se ai e shiti helmin në një faqe interneti të maskuar për të mashtruar autoritetet për qëllimin e tij të vërtetë. Law i tha një gazetari që paraqitej si një blerës vetëvrasës, ndërsa iu mburrej njerëzve se ai po bënte “punën e Zotit”.
Ai gjithashtu pretendoi se e kishte dërguar produktin te “qindra” njerëz në Britani. Substanca, e cila ka shkaktuar të paktën 70 viktima në Britani dhe Europë, është e ligjshme për t’u shitur dhe ka përdorime të tjera, ndërsa mjekët kanë ngritur shqetësime për disponueshmërinë e saj në mënyrë të përsëritur.
Ndihma për vetëvrasje është e paligjshme në Mbretërinë e Bashkuar dhe Kanada dhe dënohet me deri në 14 vjet burg në të dy vendet.
Një klient tjetër ishte Anthony Jones, 17 vjeç, një amerikan që konsumoi ilaçin dhe më pas vrapoi te nëna e tij duke bërtitur: “Dua të jetoj”, por që vdiq pak më vonë.
Mjekët dhe policia në Mbretërinë e Bashkuar kanë kontaktuar Law në lidhje me përdorimin e helmit të tij, por ai kishte vazhduar ta shiste atë. Kur u përball me një gazetar në një qendër tregtare në periferi të Torontos, ku po dorëzonte një sërë pakosh, Law tha: “Unë nuk po ndihmoj asgjë, po shes një produkt”.
Por babai i Parfett tha: “Mendoj se ai po luan Zotin. Ai me vetëdije po furnizon njerëzit me një substancë që t’u marrë atyre jetën dhe merr një lloj kënaqësie të çoroditur”.
Në Mbretërinë e Bashkuar Parfett, si dhe Michael Dunham, 38, Neha Raju, 23, dhe një studente 21-vjeçare që i bëhet e ditur identiteti, kanë vdekur të gjithë në 18 muajt e fundit pasi blenë nga kompania e Law.
Pasi një gazetar i fshehtë i dërgoi email Law, ai la një takim për të folur për substancën. Gjatë telefonatës 28-minutëshe, Law tha se britanikët ishin disa nga “blerësit e tij më të shpeshtë”.
I pyetur se sa nga Britania e Madhe e kishin kërkuar helmin, ai tha: “Qindra. Dhe të gjithë e kanë marrë. Ne kemi pasur shumë, shumë klientë në Mbretërinë e Bashkuar që e kanë blerë atë” .
Law, një ish inxhinier i hapësirës ajrore, ka shumë kualifikime sipas CV-së së tij në internet dhe në 2004 kaloi gjashtë muaj në Coventry duke punuar në ekipin e programit Boeing 7E7 për Dunlop Standard Aerospace.
Po ashtu mësohet se personi më i vjetër që thuhet se ka vdekur ishte 38 vjeç, më i riu ishte 17 vjeç. Ndaj biznesit të personit në fjalë nuk u ngrit asnjë kallëzim penal, pasi u konstatua se pronarët besonin se po ua shisnin njerëzve për arsye legjitime.
“Ne po punojmë shumë për të reduktuar numrin e vetëvrasjeve dhe do të publikojmë një strategji të re kombëtare për parandalimin e këtij fenomeni”, tha një zëdhënës i qeverisë.
