Urbanët e Tiranës janë jo pak herë vendi i çudirave shqiptare. Tashmë protagonistë nuk janë më shoferët, me shpejtësinë si në Formula 1 rrugëve të kryeqytetit, por një i dehur.
Nga pamjet e publikuara nga Balkanweb, tregohet një person i dehur i cili është ulur pranë një të moshuari. Por personi i dehur nuk e lë me kaq, pasi nis të ngacmojë dhe bezdise të moshuarin, aq sa i kërkon edhe ta puthë.
“Hajde të të puth një çikë ose do të rrah” i drejtohet i dehuri të moshuarit. Ndërsa ky i fundit i përgjigjet: “tyt o dreq, ik andej”!
Por duke parë se i dehuri nuk kishte ndërmend të lëvizte apo tërhiqej, atëherë është i moshuari që ngrihet. Ajo që të bie në sy është fakti se si faturino ashtu edhe udhëtarët e tjerë, nuk ndërhyjnë.