Një rojtar në Kinë ka humbur jetën derisa po tentonte ta kapte gruan e cila kërceu nga një ndërtesë e lartë, kurse e gjithë ngjarja rrëqethëse është filmuar nga kamerat e sigurisë.
Rojtari, një ushtar i pensionuar i identifikuar si Li, 43-vjeç, ka humbur jetën kur një grua ra mbi të, kurse ngjarja e tmerrshme ka ndodhur në qytetin kinez Kcian.
Ky moment tragjik është filmuar nga kamerat e sigurisë, ku shfaqet momenti kur rojtari vrapon dhe tenton ta kap me duar gruan e cila po binte në tokë me shpejtësi të madhe, por në fund e pëson keq kur ajo e mbyt nga presioni i madh i shtypjes.
Rojtari po patrullonte në përdhes kur dëgjoi një grua rreth të ’30-ve duke u grindur me një person tjetër. Dhe kur ngriti kokën lartë, e pa atë duke u varur në dritare duke tentuar të kryej vetëvrasje.
“Mos kërceni ju lutem”, kishte bërtitur rojtari sipas dëshmitarëve okularë.
Dyshja janë shpallur të vdekur në vendin e ngjarjes, kurse Li ka lënë pas vetes një vajzë 6-vjeçare dhe prindërit rreth të ’80-ve.
