Rrëmben motrat medicinale dhe i detyron t’i vaksinojë të varfrit - Bota Sot
Rrëmben motrat medicinale dhe i detyron t’i vaksinojë të varfrit

Ndryshe

Rrëmben motrat medicinale dhe i detyron t’i vaksinojë të varfrit

Më: 7 mars 2018 Në ora: 08:19
Ilustrim

Një kriminel i njohur si 2N, pjesëtar i banës së njohur për trafikim droge, ka rrëmbyer dy motra medicinale në rrugët e Rio de Zhaneiros në Brazil dhe i ka detyruar që t’iu ndihmojnë personave të varfër.

Thomaz Vieria Gomez, 24-vjeçar, dërgoi motra medicinale në Salgueiro, për t’iu dhënë vaksina personave pa mbrojtje shëndetësore, të prekur nga ethet e verdha, transmetojnë mediat braziliane.

Gomes i shoqëruar nga pjesëtarë të bandës së tij me këtë rast kishte vjedhur edhe një sasi të vaksinave dhe shfrytëzoi rastin që të vaksinohej edhe ai për t’u mbrojtur nga sëmundja e rrezikshme.

Motrat medicinale janë liruar më pas dhe thanë se Gomes, anëtar i bandës Comando Vermelho, nuk ishte treguar i ashpër ndaj tyre.

Ethet e verdha është sëmundje e rrezikshme dhe potencialisht vdekjeprurëse. Ajo bartet nga mushkonjat dhe shkakton dëmtimin e qelizave të gjakut dhe çrregullime që çojnë në gjakderdhje në shumë organe të trupit.

Shfaq komentet
comments powered by Disqus
Sot mund të lexoni Shfletoni kopertinat
Sondazh
    test