Sylvia Pope nga Swansea e Wales, shpenzoi katër muaj për vendosjen e më se 2,000 dekorimeve, në tavanin e dhomës së saj të ditës, që i kushtuan rreth 15 mijë euro.
Për gjyshen 76-vjeçare që i adhuron festat e fundvitit, ky është një argëtim shumë i madh, që e ka nisur para dy dekadash, kur pa diçka të ngjashme në shtëpinë e një mikës së saj.
Në 19 vitet që do vinin, ajo mrekulloi miqtë e saj me dekorimet që niste t’i vendoste prej verës – që të sigurohet se magjia e festave, e zë të përgatitur si duhet.
Me kalimin e viteve, Pope po e ka gjithnjë e më të vështirë vendosjen e dekorimeve – pasi që të gjitha i vendos vet, pa ndihëm e askujt, nga frika se mos ia dëmtojnë ndonjë pjesë.
“Të gjithë nervozohen që nuk po i lë të më ndihmojnë, por është hobi im për të cilin e ndaj të gjithë kohën e mundshme”, ka thënë pensionistja.
Mirëpo, ky hobi po i kushton mjaft, pasi ajo zgjedh dekorimet më të bukura dhe me materiale të çmueshme, që kanë çmime të larta.
Derisa elementi më i shtrenjtë i ka kushtuar rreth 100 euro, kënaqet edhe më më të lira si ato që kushtojnë prej 20 deri në 60 euro. “Kam blerë dekorime nga Malta, Holanda, New Yorku, Praga, Las Vegas dhe Cayman Islands, ku do që kam shëtitur” ka thënë Pope, e cila viziton shumë shtete, ndërsa kthehet me dekorimet m të rralla.
Tani që koleksioni saj është zgjeruar shumë, ajo nisë ta dekorojë shtëpinë prej shtatorit, ndërsa i lë në tavan deri në mars, kur nisë t’i largojë, për të vazhduar sërish disa muaj më vonë.
