Ish-kryeministri Sali Berisha i ka dërguar sot një mesazh ngushëllimi Kryetarit të Bashkisë Shkodër dhe familjarëve të 5 të rinjve që humbën jetën ditën e djeshme si pasojë e një aksidenti tragjik.
“Një aksident tragjik këputi rininë dhe jetën e bijve tuaj të dashur dhe zhyti në zi familjet tuaja, Shkodrën por dhe të gjithë Shqipërinë. Duke ndarë me ju dhe qytetarët e Shkodrës pikëllimin e thellë dhe zinë, ju përcjell ngushëllimet të sinqerta dhe i lutem së bashku me ju Zotit që engjëjt tuaj, që nuk i keni më, të gjejnë paqen e merituar dhe ju, forcën shpirtërore për të përballuar dhimbjet e humbjes së pakompensueshme të fëmijëve tuaj të dashur” thuhet në mesazhin e Berishës.