Kryetari Veseli ngushëllon homologun e tij turk, Yilmaz - Bota Sot
Kryetari Veseli ngushëllon homologun e tij turk, Yilmaz

Ngushëllime

Kryetari Veseli ngushëllon homologun e tij turk, Yilmaz

Më: 10 tetor 2015 Në ora: 20:06


Kryetari i Kuvendit të Republikës së Kosovës, Kadri Veseli, ka ngushëlluar kryetarin e Asamblesë së Madhe Nacionale të Turqisë, Ismet Yilmaz, deputetët dhe të gjithë popullin e Turqisë, pas sulmit të sotëm terrorist në Ankara, i cili mori jetën e dhjetëra qytetarëve.
Në telegramin e kryetarit Veseli thuhet:
“Në emër të Kuvendit të Republikës së Kosovës dhe emrin tim, iu shpreh ngushëllimet më të sinqerta për vdekjen e dhjetërave qytetarëve tuaj dhe plagosjen e shumë të tjerëve, si pasojë e sulmit të sotëm terrorist.
Në këto çaste të rënda për Juve, Asamblenë e Madhe të Turqisë dhe qytetarët e Republikës së Turqisë, shprehim ndjenjën tonë të solidaritetit, duke bashkëndjerë dhembjen me familjarët e viktimave dhe gjithë pupullin turk.
Kuvendi i Republikës së Kosovës ka mbështetur dhe mbështet angazhimet e përbashkëta të botës demokratike, të udhëhequra nga SHBA-ja, me përkushtim të plotë në luftën kundër të gjitha formave të terrorizmit dhe ekstremizmit kudo që shfaqen në botë”.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...