​Kryeministri ngushëllon familjen Bajçinca - Bota Sot
​Kryeministri ngushëllon familjen Bajçinca

Ngushëllime

​Kryeministri ngushëllon familjen Bajçinca

Më: 30 dhjetor 2015 Në ora: 16:09

Kryeministri i Republikës së Kosovës, Isa Mustafa, ngushëlloi Familjen Bajçinca pas ndarjes nga jeta të studiuesit dhe profesorit të shquar të gjuhës shqipe, Isa Bajçinca.

Në telegramin e kryeministrit Isa Mustafa thuhet:

E nderuara familje Bajçinca,

Me pikëllim dhe dhimbje të madhe e morëm lajmin për ndarjen nga jeta të studiuesit të shquar të gjuhës shqipe, profesorit të devotshëm, Isa Bajçinca.

Profesor Bajçinca, me punën dhe përkushtimin e tij të dalluar për dekada të tëra, në studimin, ruajtjen dhe përcjelljen e njohurive rreth gjuhës shqipe, ka dhënë kontribut të madh për dijen shkencore dhe kulturën shqiptare.

Ndarja nga jeta e profesorit eminent Isa Bajçinca është humbje e madhe për familjen, për miqtë, për kolegët universitarë, studentët dhe për tërë shtetin e Kosovës.

Në emër të Qeverisë së Republikës së Kosovës dhe në emrin tim, Ju shpreh ngushëllime për humbjen tuaj të madhe.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...