U mbush kupa President Gjorgje Ivanov. Është mbudhur aqë shumë sa që filloi edhe të derdhet, e Ju nuk u kthjelluat e nuk u mbushët mend por shkoni nga gabimi në gabim. Nuk u bëtë i denjë ta dekretonit as Marrëveshjen e Prespës as edhe Ligjin për përdorimin e gjuhëve. Vazhduat me avazin e vjetër dhe punën që duhet ta kryenit Ju si president i shtetit e kreu kryeparlamentari Talat Xhaferi. Ju President Gjorgje Ivanov padyshim mbeteni presidenti më i dobët dhe më i dështuar në tërë historikun e themelimit të Republikës së Maqedonisë. Sjelljet Tuaja të pamatura nuk mund të tolerohen në udhëheqjen e një shteti.
Në mënyë sistematike jemi duke e ndjekur punën Tuaj dhe se me sa përgjegjësi dhe si po e kryen[ detyrën aqë të rëndësishme të Presidentit të Shtetit të Maqedonisë.
Veprimet e qëndrimet Tuaja na duken të çuditshme e të pamatura dhe që nuk kanë asnjë nishan që mund ti quajmë veprime të personit që është në postin kaqë të lartë të një shteti. Të gjitha këto konsistojnë dhe po na bindin çdo ditë e më shumë që të kuptojmë se jeni vënë vetëm në mbrojtje të interesave të gabuara të VMRO-DPMNE-së, të partisë që i takoni dhe që u vuri në postn e presidentit të shtetit, dhe nuk e lodhni aspak mendjen se duhet të jeni president i tërë banorëve të këtij shteti. Qëndrimet Tuaja as më pak e as më shumë i ngjajnë asaj që mund ta bëjë vetëm një person i kalibrit Tuaj.
Vetë zgjedhja e Juaj si president i shtetit qe e diskutueshme sidomos nga BDI, partia bashkëqeverisëse, e cila asokohe kërkonte me ngulm që presidenti i shtetit të zgjidhet me konsenzus dhe se shqiptarët nuk Jua dhanë vitën. VMRO-DPMNE e Nikolla Gruevskit me autaritarizmin e saj të tepruar dhe arrogant në asnjë mënyrë nuk e përfilli konsenzusin e kërkuar, sepse kishte për qëllim që presidenti i shtetit të jetë një marionetë partiake dhe asgjë më shumë, e mund të themi se këtë qëllim edhe e arrijti plotësisht.
Këto konstatime po i ilustrojmë vetëm me disa shembuj konkretë mbase ka edhe më shumë.
Gabimi i parë që e bëtë si president i shtetit ishte se mbajtët një inat ekstrem ndaj partisë BDI dhe shqiptarëve e nuk e patë të arsyeshme që ti emëronit ambasadorët e propozuar shqiptarë, edhe pse kokëfortësia Juaj i solli dëm të madh Republikës së Maqedonisë në rafshin diplomatik ndërkombëtar në propagandimin dhe prezentimin e vlerave shtetërore.
Gabimi i dytë i Juaji ishte se asnjëherë nuk patët guximin tia tërhiqnit vërejtjen ose ta kritikonit Nikolla Georgievskin, kur deklaronte se nuk do të lejojë asnjëherë që fëmijët maqedonas ta mësojnë gjuhën shqipe që nga mosha kur i frekuentojnë kopshtet e fëmijëve, apo kur deklaronte se asnjëherë në Republikën e Maqedonisë nuk do të lejojë që kryeminstri të jetë shqiptar. Por ja që tani Talat Xhaferi është kryetar i Parlamentit të Maqedonisë dhe se detyrën e tij është duke e kryer në mënyrë të mrekullueshme, edhe pse partia e Juaj në vazhdimësi i nxjerr nëpërkëmbëza nga më banalet. Nikolla Gruevski që i shërbenit me aqë pëlulësi u arratis natën si qyqar sepse hajdutët dhe diktatorët janë njerëzit më të dobët që ekzistojnë, në zemrat e tyre nuk ka asnjë grimcë trimërie. Drejtësia vonon por s’aron dhe do të vjen dita kur Nikolla Gruevski si lepurush do të ekstradohet në Maqedoni për të dhënë përgjegjësi para ligjit.
Gabimi i tretë i Juaji ishte se nuk e patë të udhës ta ngrinit zërin si president i shtetit të paktën njëherë kundër projektit megaloman të Qeverisë Gruevski “ Shkupi 2014”, që kushtoi miliona euro, e shtoi korrupsionin dhe e rrëndoi edhe më shumë varfërinë në Maqedoni, në vend që me ato investime të ndërtoheshin fabrika dhe të hapeshin vende të reja pune që të rinjtë të mos ikin nga Maqedonia.
Gabimi i katërt i Juaji ishte se të paktën nuk i rekomanduat Nikolla Gruevskit që ta reduktonte sadopak numrin e vëmërovcave partiakë si nëpunës të administratës shtetërore, gjë që Qeverisë së tanishme i ka shkaktuar kokëçarje të mëdha, sepse jo vetëm që këto punësime janë të stërngarkuara, por këta të punësuar nuk kanë as njohuritë më elementare profesionale të dijes për tu ballafaquar me obligimet dhe detyrat e punëve që i presin në zbatimin e reformave.
Gabimi i pestë i Juaji ishte se i bënit obstruksione dhe nuk e dekretonit për një kohë të gjatë Zoran Zaevin, fituesin e zgjedhjeve presidenciale për ta konstituuar parlamentin dhe për ta themeluar Qeverinë e re të Maqedonisë. Kohë tepër e gjatë kaloi në këtë drejtim, gjë që i kushtoi shumë Maqedonisë në realizimin e objektivave dhe reformave të domosdoshme. Si rezultat i kësaj u nxitën dhe intensifikuan protestat gjoja për Maqedoninë, e që eskaluan me rastin e zgjedhjes së Talat Xhaferit kryetar i Parlamentit të Maqedonisë mbrëmjen e 27 prillit 2017, kur protestuesit në mënyrë të dhunshme dhe të organizuar u futën në parlamnt dhe ushtruan terror ekstrem, duke tentuar ti vrasin deputetin Zeadin Sela, por edhe Zoran Zaevin si mandatar të Qeverisë së re.
Gabimi i gjashtë i Juaji ishte se i udhëhequr nga paternalizmi partiak keqpërdorët detyrën zyrtare duke shpallur abolacionin për ti amnistuar nga ndjekja penale dhe dënimi funksionarët e VMRO-DPMNE dhe personat të lidhur me ata, të cilët ndiqen e paditen mbi bazën e të ashtuquajturave “bomba “ të Zoran Zaevit edhe pse çdo ditë po zbulohen veprimet e tyre korruptive dhe të dënueshme.
Gabimi i shtatë i Juaji ishte se nuk e dekretuat Ligjin për përdorimin e gjuhës shqipe që e miratoi Parlamenti i Maqedonisë, por gjithnje arsyetoheshit se një ligj të tillë nuk do ta dekretoni, se gjoja përdorimi i saj na e rrezikuaka karaktetin unitar të Maqedonisë, gjë që nuk është aspak e vërtetë, sepse përdorimi i gjuhës shqipe është e drejtë legjitime e shqiparëve në Maqedoni, të cilët jetojnë në trojet e tyre denbabaden shekullore, të cilët kanë identitetin, gjuhën dhe kulturën e tyre të pastër e të pakontestueshme nga askush, sidomos kur dihet se shqiptarët pa dëshirën e tyre janë ndarë nga shteti amë. Përdorimi i gjuhës shqipe si gjuhë zyrtare në Maqedoni do të jetë një hap para në demokratizimin e shoqërisë e të shtetit.
Gabimi i tetë i Juaji ishte se e shprehët publikisht që jeni kundër Marrëveshjes historike të Prespës të arritur ndërmjet kryeminitrave Zaev e Cipras, edhe pse Maqedonisë me këtë marrëveshje i hapen dyert për tu pranuar në NATO dhe BE, me çka do të krijohen mundësi për zhvillim ekonomik të hovshëm nëpërmjet garancisë për investimet nga jashtë, gjë që do ta fuqizonte mirëqenien, ndërpriste largimin e të rinjve nga Maqedonia dhe do ta shtonte sigurinë e banorëve nga rreziqet e jashtme eventuale.
Gabimi i nëntë i Juaji ishte se nuk deshtët të kuptonit se për çfarë arsye një numër i madh i funksionarëvë të lartë, burrështetas apo ushtarakë nga jashtë , të cilët kohëve të fundit e vizituan dhe po e vizitojnë Maqedoninë, po u anashkalojnë dhe as nuk e shohin të nevojshme që të takohen me Ju si President i Shtetit.
Gabimi i dhjetë i Juaji ishte se më datë 23 shtator 2018 nuk e patë të arsyeshme të korrigjoheni, por para Diasporës së Bashkuar të Maqedonisë në Detroit deklaruat publikisht se, më 30 shtator 2018 do ta bojkotoni Referendumin, duke e përmendur refrenin që tashmë e thoni si vjershë se, gjoja me këtë mbroni Kushtetutën, ligjet, mosndryshimin e emrit dhe integritetin e Maqedonisë. Me këtë deklaratë e dhatë shembullin më të keq si president i shtetit, sepse Ju nuk keni as mundësi dhe as kaçik ta mbroni Kushtetutën, ligjin, identitetin dhe sovranitetin e Maqedonisë, për arsye se për të gjitha këto vendos populli, ndërsa qëllimi i vetëm i Juaji është ti mbroni të korruptuarit dhe ta dëmtoni shtetin.
Nuk e kuptojmë a e keni analizuar veten se çfarë jeni duke vepruar, kur është evidente sa funksionarë po e vizitojnë Maqedoninë nga SHBA-të, BE, NATO dhe shtetet mike të Maqedonisë , duke rekomanduar dhe duke dëshmuar se pranimi në NATO dhe BE është shansi i vetëm që duhet ta shfrytëzojmë në të mirë të gjeneratave të tashme e të ardhshme, për prosperitet ekonomik dhe për garanci të sigurisë në Maqedoni e në rajon. A e kuptoni President Gjorgje Ivanov se Ju, Mickovski dhe Baçev, ishit dhe mbeteni treshi i vetëm kundrejt shumicës në Maqedoni, e cila dëshiron mirëqenie dhe përparim. Treshi i Juaj asnjëherë nuk do të jetë në gjendje ta ndihmojë Maqedoninë. A e kuptoni President Gjorgje Ivanov se falë politikës së gabuar të VMRO-DPMNE-së gjatë qeverisjes së saj tre mandate, janë duke u zhvilluar kaqë procese gjyqësore kundër keqpërdorimeve, korrupsionit dhe mosrespektimit të ligjeve. Me siguri President Gjorgje Ivanov do të vjen dita që edhe Ju do të përgjigjeni para ligjit për atë si i keni kryer detyrat dhe punët si president i shtetit.
Edhe pse Referendumi i 30 shtatorit kishte karakter konsultativ, por për të mos e kaluar pragun prej 50 përqind, me siguri që ka ndikuar propaganda e dëmshme e VMRO-DPMNE, e lëvizjes së Baçevit dhe e Juaja si President i Shtetit. Këtu nuk duhet anashkaluar as regjistrimin e munguar të popullsisë që do ta pasqyronte ekzaktësisht sa banorë ka Maqedonia, nuk duhet anashkaluar as edhe listat ekzistuese të votuesve në Maqedoni të cilat nuk janë aspak reale.
Maqedonia domosdo do të pranohet në NATO dhe BE, sepse shumica e banorëve në Maqedoni e dëshiron një gjë të tillë, se banorët e Maqedonisë kanë nevojë për prosperitet ekonomik dhe për jetë të sigurtë dhe jo për romantizëm nacional. Ndërkaq rrugët që preferoni Ju si President i Shtetit i shoqëruar nga një grusht bashkëmendimtarësh, çojnë drejt izolimit, varfërisë edhe më ekstreme, drejt destabilitetit dhe drejt dobësimit e zbrazjes së Maqedonisë.
Me këtë mendje që keni dhe me këto sjellje që po demonstroni, më mirë është tè ikni vetë Gjorgje Ivanov, sepse kësi presidenti nuk i vyn as dreqit e jo më popullit dhe shtetit.
