Diçka nuk po të shkon, diçka nuk po ta don, diçka po don.
Larg përfoljet, larg duart nga ish Presidenti Ibrahim Rugova.
Presidenti Hashim Thaçi pasiqë është mbytur në moçalin e ujërave të pista për politikën e vet antishqiptare për ndarjen, copëtimin dhe korrigjimin e kufijve po del kundër Kosovës dhe në dobi të Serbisë dhe në shërbim të agjenturave sllave-ruso-serbe dhe gjithnjë e më shumë po përjeton fiaska në skenën ndërkombëtare, por më së shumti është ka hanë stupca kokës nga vet qytetarët e Kosovës të cilët nuk e përkrahë askush, bile as partia e tij.
Pra ky njeri është i humbur, po fundoset ngdadalë në plehun e historisë.
Por i humburi siç thotë populli mundohet të kapet edhe për kashte. Për idenë e tij për copëtimin e Kosovës po mundohet të kapet edhe për të tjërët.. Kështu ai rishtas deklaroi se këtë ide e kishte edhe Presidenti historik I. Rugova.
Vjen këshilla President Thaçi larg duart nga Ibrahim Rugova.
I vogël je sa bubrreci të matesh më ikonën dhe vlerën kombëtare dr. Ibrahim Rugova. Ibrahim Rugova është po ai i cili luftoi me shpirt, zemër dhe dije për lirinë e Kosovës. Ibrahim Rugova është ai të cilit gjatë dhe pas luftës u mundove me ja hup flamën.Gjatë luftës me shumë luftove kundër tij se sa me shka. Pasluftës atij iu vranë figurat më të ndritura të kombit. Nga kush, me siguri e din. Pasluftës u bënë disa antentate për ta likuidu fizikisht. Nga kush, ndoshta e din. Por pas luftës atë asnjëherë nuk mundi me zgjedhje. Ishte më i fortë se sa ti. E donte populli, e kishte në shpirt. Ai ia pat lënë një amanet popullit për ty:
"Këtë njeri mbajeni gjithmonë larg pushtetit sepse është i rrezikshëm".
Dështimi i yt moral dhe intelektual shkon edhe më larg. Tash kur të kanë nxjerr të gjithë jashtë, po mundohesh më u kapë për Rugovën në dobi të "tarnisë" tënde për copëtimin e Kosovës duke thënë se edhe I.Rugova ishte për ndarjes së Kosovës. President kjo nuk është e vërtëtë, mos trillo, mos e mashtro popullin sepse populli e di se kushte ishte I.Rugova dhe për çka e sakrifikoi jetën e tij brilante në shërbim të kombit. Kjo u vërtetua edhe me rastin e vdekjes së tij kur të gjithë populli u ngit në këmbë në minus 20 gradë për të përcjell në përjetësi.ishin gati 1 milion. Nuk e përcollën vetëm smirzitë e partisë tende. E tash për poena politik, por jo që ke ndonjë respekt për të shkon dhe i përkulesh te varri.Ani, marria nuk ka fund.
Ti e di fort mirë se Qëndrimi brilant i Rugovës në vazhdimësi ishte: "Kosova e pavarur në kufijtë e kzistues...dhe në miqësi të përhershme me Amerikën", që kësaj miqësie po mundoheni të ja futni thikë pas shpine.
Po ashtu Hashim Thaçi e di fort mirë se e kujt ishte ideja për korrigjimin e kufijeve. Është ide e kahmotshme e Qosiqit të cilin vazhdimisht e përkrahte edhe Qosja i jonë me Dacin dhe Hazirin, që s'shohin larg por deri te hunda e tyre. Kjo ide është ëndërr dhe projekt i kahmotshëm e Serbisë, e percjellë brez pas brezit, por që tashti kur Aleksandër Vuçiqit i doli përball një njeri i lig, një njeri
i padijshëm që për interesat e tij personale e dëmton edhe atdheun e vet.
Pra, z.President Hashim Thaçi hiç dorë nga shkëmbimi i territoreve. Në këtë punë je i dështuar, je i humbur përgjithmonë, këtë me asnjë kusht nuk e lejon populli i Kosovës. Nuk mundesh symbylltas që për disa ideologji të huaja të shkosh kundër popullit tënd.
