Aleksandër Vulin, ministër i Mbrojtjes së Serbisë, më datë 1 maj 2019 para mbështetësve të partisë së tij në Vranjë, deklaroi se “angazhohem dhe dëshiroj sa më parë përcaktimin e kufijve me shqiptarët, sepse vetëm ashtu mund të vazhdojmë të meremi me veten dhe popullin serb dhe se kjo është në të mirë për popullin serb”, duke vazhduar se, “kundër caktimit të kufirit janë Gjermania, Kroacia, Shqipëria, ‘shqiptarët në Kosovë” ( me ç’rast iu shmang të thotë Shteti i Kosovës), një pjesë e Bosnjes dhe Hercegovinës, Mali i Zi dhe Maqedinia Veriore”.
Zoti Vulin, edhe kjo është pjesë e propagandës gënjeshtare të Serbisë, e cila në vitet 1998/1999 kreu agresion gjenocidal në Kosovë, duke e bërë tym e flakë Kosovën, duke vrarë e masakruar 15 mijë persona të pafajshëm në mesin e tyre gra, pleq, fëmijë , po edhe foshnje duke pi qumësht në gjoksin e nënës. Ushtarët e para,ilitarët e Serbisë kryen dhunimin më mizor e makabër ndaj 20 mijë femrave shqiptare. Ushtarët e militarët e Serbisë rrembyen nga shtëpitë 1650 shqiptarë të të gjitha moshave e gjinive, fati i të cilëve ende nuk është zbardhur.
Agresioni gjenocidal i Serbisë detyroi që me dhunë të lanë shtëpitë e tyre 1 milion shqiptarë banorë autoktonë të Kosovës e të strehohen në Shqipëri e Maqedoni. Për të gjitha krimet e masakrat serbe në Kosovë ka fakte dhe dëshmi të shumta. E tërë bota e din se Serbia në fund të shekullit të 20-të nxiti dhe nisi tre luftëra gjenocidale edhe atë në Kosovë, Kroaci dhe Bosnje Hercegovinë.
Zoti Vulin, po Jua kujtoj se serbët në Ballkan kanë ardhur nga Kaukazi në shekullin e 6-të dhe se fillimisht me luftëra të përgjakshme e kanë okupuar Beogradin, ku në atë kohë kanë jetuar Ilirët, pasardhës të të cilëve janë vetëm shqiptarët. Pas kësaj me luftëra të përgjakshme serbët kanë vazhduar ti dëbojnë shqiptarët dhe kështu i kanë zgjeruar kufijtë e tyre, ndaj dhe kufijtë e vërtetë të Serbisë duhet ti kërkoni në Kaukaz, atje prej ku e keni origjinën dhe jo në Kosovë.
Zoti Vulin, nuk ekziston asnjë fakt historik që mund të dëshmojë që shqiptarët të kenë okupuar qoftë edhe një pëllëmbë të tokës së huaj.
Këtë më së miri e dëshmon faksimili i Hartës së Enciklopedisë së Rusisë i vitit 1817 ku mund ta shihni edhe vetë Serbinë e vogël të asaj periudhe.
Zoti Vulin, Serbia duhet të kërkojë falje publike për krimet, masakrat dhe shkatërrimet që i kreu në Kosovë, e jo me lot krokodili e propagandë të rrejshme edhe pse është agresore mundohet të tregohet si viktimë.
Pakica serbe që jeton në Kosovë i gëzon të drejtat më shumë se çdo pakicë tjetër në botë dhe kjo është rezultat i fisnikërisë dhe i shpirtit demokratk të shqiptarëve.
Zoti Vulin, për shkak të Serbisë hegjemoniste shqiptarëve iu bë padrejtësi e madhe edhe në Kongresin e Berlinit në vitin 1878, në Konferencën e Ambasadorëve në Londër në vitin 1913 dhe në Konferencën e Paqes në Paris në vitin 1920, ku më shumë se gjysma e trojeve dhe e popullit shiptar mbetën jashta kufijve të shtetit amë Shqipërisë, ku sot jetojnë në pesë shtete të ndryshme.
Po Ju jap një shembull dëshmues. Si pasojë e kësaj padrejtësie Dibra më parë qytet i Shqipërisë, tani ndodhet në Maqedoni e shkëputur kundër vullnetit të banorëve të saj. Lidhur me këto ngjarje tragjike nuk u zbatua as konfiguracioni natyror dhe as vullneti njerëzor e politik i dibranëve.
Rous Uajden Lein, shkrimtare amerikane në vitin e 20-të të shekullit të 20-të në librin e saj me titull “Majat e Shalës”, shkruan se, “ Qyteti i Dibrës iu muar Shqipërisë ne vijën kufitare të vitit 1913, siç nxiret sythi i një patateje”.
Dimitrije Tucoviq në librin e tij me titull “Serbia e Shqipëria”, duke përshkruar gjendjen e krijuar në viset shqiptare të aneksuara asokohe nga Serbia, shkruan se, “ Aneksimi ndau bujkun prej arës, bagëtinë prej kullotës,tufën prej lugjeve, fshatin prej mullirit, blerësin dhe shitësin ngs tregu, rrethin prej qytetit dhe tërë viset malore prej qendrës së tyre ekonomike e hambarët e ushqimit, burimet e jetës u prenë”.
Zoti Vulin, serbët për qëllime okupuese Dibrën e kanë djegur tri herë, duke plaçkitur miliona franga ari, stoli, orendi e bagëti, sepse Dibra asokohe ka qenë krahinë shumë e pasur në bujqësi, ekonomi e tregëti shumë të zhvilluar, dhe e gjithë kjo plaçkë është dërguar në Beograd. Për këtë lulzim ekonomik të Dibrës asokohe thuhej , “ po qe se digjej Stambolli mund ta ndërtojë dibra, ndërsa po të digjej Dibra nuk mund ta ndërtonte Stambolli”.
Zoti Vulin, Serbia duhet të heqën dorë njëherë e përgjithmonë nga projektet ogurzeza të Naçërtanies, të Çubrilloviqit , Gara shaninit , Dobrica Qosiqit dhe të Millosheviqit, i cili thoshte se kufiri i Serbisë do të jetë gjer aty ku jeton edhe një serb i vetëm. Edhe vetë e patë si përfunduan Serbia dhe Millosheviqi.
Serbia duhet të demokratizohet duke u bërë anëtare e BE-së dhe e NATO-s.
Pretendimet aktuale të lidershipit të Serbisë që me Kosovën duhet të gjendet një kompromis për të mos mbetur gjoja Serbia humbëse janë tejet absurde.
Kosova tani është shtet i pavarur e sovran dhe se cilitdo që do ti prekën kufijtë aktualë të Kosovës do ti digjën duart.
Zoti Vulin, sot në Ballkanin Perëndimor jetojnë afër 6 milionë shqiptarë, ndërsa 5 milionë jetojnë në Turqi si pasojë e politikës nacionaliste të Serbisë, e cila i deryroi shqiptarët me një presion të paparë që të shpërngulen në Turqi.
Kjo don të thotë se sot shqiptarët në Ballkan janë më shumë në numër se serbët, të cilët kanë problem me natalitetin dhe po tua heqish hungarezët e Vojvodinës , muslimanët e Sanxhakut dhe romët mbesin shumë pak.
Shqiptarët në rast rreziku nuk do të rijnë duarkryq. Së shpejti gadi tërë Ballkani do të jetë NATO dhe se çdo aventurë kundër shqiptarëve do ta merr përgjigjen e merituar.
Për Serbinë shpëtimi është në BE dhe NATO, sepse në të kundërtën gjersa të arrijnë Kina dhe Rusia në Ballkan për ta ndihmuar Serbinë do të jetë shumë vonë.
Zoti vulin, këtë tekst dhe këtë hartë të Enciklopedisë Ruse jepuani ta lexojnë e shikojnë edhe Presidentit Aleksadër Vuçiq, kryeministres Ana Bërnabiq dhe ministrit të jashtëm Ivica Daëiq, mbase mendoj se mund të ndikojë pozitivisht që të heqin dorë nga qëndrimet dhe retorika kërcënuese, nacionaliste dhe hegjemoniste ndaj Kosovës.
