Unë Hafir Hoxha detyrohem të reagoj në lidhje me shkrimin tuaj në botasot.info me 06 korrik 2019 me titullin: “Trondit ish-kryeshefi i policisë ushtarake të FARK-ut” :
Jo njoftoj që ndoshta është gabim shtypi në terminologji në emërtimin e detyrës dhe funksionin e zotëri Hajrullah Tërnava .
Unë Hafir Hoxha, isha i kyçur në radhët e UÇK-së me 18 mars 1998 bashkë me heroin Agim Ramadani dhe kryetarin aktual të Obiliqit z. Xhafer Gashi mes strukturave te LKÇK-së. Për kyçjen tonë në UÇK i kemi njoftuar ter kolektivin ushtarak në mërgim me 05. Mars 1998 në mbledhjen e ushtarakëve të drejtuar nga z. Agim Mehmeti ku për herë të parë para nesh u prezantua kolonel Ahmet Krasniqi si Ministër i FARK-ut .
Në prill të vitit 1998 janë formuar njësitet e para operative dhe komandantët të Brigadave janë emëruar kolegët tanë ushtarakë Tahit Zemaj, Rrustem Berisha, komandant i Batalionit Diverzant vëzhgues u emërua z. Anton Quni dhe Komandant i Policisë Ushtarake unë Hafir Hoxha .
Nëse dikush pretendon me qëllim të paqartë për mua që 20 vite pas luftës të zgjedhë funksione e detyra komanduese është vonuar dhe e ka gabim.
Këtë detyrë duhet ta dëshmoj me vepër dhe aktivitete gjatë luftës!?
Unë zotëri Tërnavën kurrë nuk e kam takuar në asnjë qendër stërvitore, kurrë as një pjesëtarë të Policisë Ushtarake nuk e ka pa, nuk e ka stërvitur e as nuk ka luftuar me ta .
Tani se çka shkruan dhe çka deklaron dhe për cilat pretendime nuk me interesojnë fare ato arsye ,
Por nuk lejoj që të thirret dhe të flet askush në emër te policisë ushtarake, të funksionit dhe detyrës time që kam ushtruar gjatë luftës se UÇK-së.