“Me autobus të vjetër dhe të prishtë nuk shkohet në Evropën moderne” - Bota Sot
“Me autobus të vjetër dhe të prishtë nuk shkohet në Evropën moderne”

Opinione

“Me autobus të vjetër dhe të prishtë nuk shkohet në Evropën moderne”

Nga: Bejtullah Sokoli Më: 9 tetor 2019 Në ora: 21:51
Kadri Dellova

Kadri Dellova, një anëtar i devotshëm i Partisë Demokratike të Kosovës (PDK),por i dëshpëruar tej mase që partia e tij pësoi debakël në zgjedhjet e parakohshme parlamentare të 6 tetorit, ditë më parë bëri një postim tejet kritik dhe irritues në profilin e tij Facebook, duke thënë:

"Humbja e PDK-së ka emër dhe mbiemër. Përgjegjës kryesor janë të komprometuarit dhe nepotistët. Populli nuk vonon për ndëshkim dhe me autobus të vjetër e të prishtë nuk shkohet në Evropën moderne".

Kryetarin e nëndegës së PDK-së në fshatin Krushë e Madhe, këshilltarin në Kuvendin Komunal, pastaj ish- kryetari e fshatit si dhe kryetarin e Komisionit të fshatit për krime lufte dhe të zhdukurit e ka irrituar pa masë si duket një foto ku shihet shefi i tij Kadri Veseli me disa bashkëpartiakët e vet duke shtyrë një autobus për ta qitur në breg.

Por, për fat të keq ky autobus nuk pati jetëgjatësi ,ngase nuk shkoi shumë larg dhe ra në humnerë.

E kuptoj mllefin e shprehur dhe ka plotësisht të drejtë ky profesor i filozofisë dhe sociologjisë në gjimnazin "Ukshin Hoti", në fshatin e tij, por populli e ndëshkoi PDK-në me votën e 6 tetorit. Ky është realitet dhe realiteti nuk ndalet. Deshti apo s'deshti PDK-ja verdiktin e sovranit duhet respektuar.

Nisur nga ky fakt, kryetari i PDK-së Kadri Veseli, e ka pranuar humbjen duke deklaruar në mesnatën e 6 tetorit para mediave se:" Ne pranojmë humbjen. PDK-ja do të shkoj në opozitë dhe do të jetë konstruktive që do t'i kontribuoj vendit". Dhe është mirë që Kadri Veseli e ka pranuar humbjen e thellë dhe të tretën me radhë prej se ai mori drejtimin e PDK-së. Ai është i vetëdijshëm se keqqeverisja e tej zgjatur e PDK-së e ka shoqëruar arroganca e disa krerëve të saj për keqqeverisjen dymbëdhjetë vjeçare(2007-2019),në mos luftimin e krimit e të korrupsionit, nepotizmit, papunësia, ngecje në zhvillimin ekonomik, në arsim, shëndetësi, kulturë dhe në sfera tjera të jetës së qytetarëve të Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...