Jusuf Buxhovin e kam njohur qysh në vitet e 60-ta të shekulli 20-të gjatë hapërimeve të mia të para si gazetar i “Rilindjes”. I papërkulur, i guximshëm, objektiv dhe dinjitoz ishte Jusuf Buxhovi si i ri, ndërsa është brumosur e çelnikosur edhe më shumë tani në pleqëri. I dëshiroj shëndet e jetëgjatësi dhe suksese të mëtejme në krijimtari.
Jusuf Buxhovi është margaritar qoftë në gazetari, qoftë në krijimtari,sepse gjatë të gjitha periudhave të jetës së tij është duke lënë vepra prestigjioze dhe të vyera kombëtare shqiptare, prandaj duhet ta ruajmë e mbrojmë të gjithë nga kriminelët, horrat e rezilët që po mundohen ta shantazhojnë.
E vërteta gjithmonë mbetet e vërtetë dhe nuk mund të mbulohet me asgjë dhe sidomos me kërcënime të pabaza.
Para disa muajve kur Jusuf Buxhovi foli hapur për vllavrasjet politike në Kosovë, ata që e kishin mizën nën kësulë e që frigohen nga e vërteta, u munduan me kërcënime të shumta ta frikësojnë këtë krijimtar të paepur të Kosvës.
Jusuf Buxhovi në një prononcim të tij në “Bota Sot” njëherë e përgjithmonë e zgjidhi enigmën që na mundonte 20 vite radhazi.
Na mundonte çështja e dhunimit të motrave tona shqiptare nga ushtria, paramilitarët dhe policia e Serbisë gjatë agresionit gjenocidal të viteve 1998/1999 në Kosovë.
Na mundonte tejmase çështja si është e mundur që me kaqë mijëra raste të dhunimeve dhe me mijëra fakte që dispononim, të mos vihet para drejtësisë dhe të mos dënohet asnjë kriminel serb si kryerës i këtyre krimeve.
Prononcimi i Jushuf Buxhovit se EULEX-i e ka përgatirur librin e dytë me rrëfimet e 700 grave shqiptare të dhunuara, por që ish komandantët e UÇK-së e pengojnë botimin e këtij libri, për arsye se në këtë libër gjenden edhe emrat e të afërmve të tyre qoftë familjare ose farefisnore .
Kjo tregon që për arsye të mentalitetit, sedrës, sedërlëndimit, paragjykimeve apo pikpamjeve stereotipe të këtyre ish komandantëve të UÇK-së, dashtë pa dshtë këta ish komandantë të UÇK-së kanë kontribuar ose po kontribuojnë, që kriminelët serbë të cilët i kryen këto akte çnjerëzore e makabëre, sot e kësaj dite të mbeten të lirë e të pandëshkuar.
Ajo që u ndodhi motrave tona shqiptare, mund ti ndodhte edhe kujdo tjetër, po të kishim të bëjnë me një agresor përbindësh dhe me veti shtazarake sië ishte Serbia..
Dhembja për motrat tona shqiptare të dhunaura nga serbët në agresionin gjenocidal të Serbisë në Kosovë është tepër e madhe, dhe se sipas mendimit tonë gjë më të keqe se kjo nuk mund të ekzistojë.
Dhembja dhe plaga që u është shkaktuar këtyre motrave tona shqiptare nga kriminelët serbë është skajshëmrisht e tmerrshme dhe se nuk mund të gjenden fjalë për ta përshkruar.
Atë që me siguri e pranon edhe Zoti i Madhërishëm është se, këto motra tona fatkeqe për këtë gjëmë që u ndodhi nuk janë aspak fajtore.
Fajtorë të vetëm për këtë krim të kryer janë kriminelët serbë, të cilët domosdo duhet të identifikohen dhe të dalin para drejtësisë për ta marë dënimin e merituar.
Dënimi i këtyre kriminelëve serbë do të ishte sadopak një satisfaksion për këto motra tona shqiptare fatkeqe, të cilat pa fajin e tyre u bënë pre e këtij akti shtazarak serb.
Lënia pa u dënuar e këtyre kriminelëve serbë me siguri që ua shton dhembjen këtyre motrave tona shqiptare, të cilat pa fajin e tyre përjetuan atë që nuk do tia dëshirponim as armikut më të urryer.
Drejtësia duhet vënë në vendin e vet dhe kriminelët serbë detyrimisht duhet ta marrin dënimin e merituar.
Të gjithë ata që me dashje apo pa dashje, me qëndrimet e tyre ndikojnë që dhunimet serbe të mbulohen, ua shtojnë dhembjen dhe ua e pezmatojnë plagën këtyre motrave tona shqiptare, sepse dhuna dhe krmi duhet të dënohen e jo të mbulohen.
Kriminelët serbë duhet të ndiqen këmba këmbës për ta marë dënimin e merituar.
Është e patolerueshme dhe e palejueshme që kriminelët serbë të mbeten të lirë. Këtë nuk mund tia lejojmë vetes dhe jemi më se të sigurtë që edhe motrat tona shqiptare të plagosura fizikisht e psikikisht e ndjejnë thellë në shpirt se, kriminelët serbë duhet të dënohen.
Është e papërballueshme ndjenja kur e njohim kryerësin e krimit, e ai lirshëm shëtit para dyerve tona.