Më shumë shqetësues për kualicionin sot është bërë problemi i postit të Presidentit , pasi që tashmë është pranuar nga LDK që kryeminstri të jetë nga LVV , Albin Kurti.
Rezultati i zgjedhjeve është pothuajse i barabartë dhe pushteti duhet të ndahet pothuajse në mënyrë të barabartë , pasi rezultati me numër deputetësh është me diferencë 1 deputet.
E drejta për ta propozuar postin e Presidentit ne këto kushte i takon LDK-së .
Edhe për President konsensual asaj i takon fillimisht propozimi për ta bërë.
Por së pari LDK-ja ka të drejtë në insistimin prej saj që Presidenti të vijë nga LDK-ja, pasi këtë të drejtë edhe ia ka dhënë verdikti popullor i 6 Tetorit 2019, që do të thotë se Presidenti duhet të vijë nga ajo, që edhe të jetë person politik prej radhëve të saj , i cili kur të zgjidhet e sapo të marrë postin e Presidentit duhet të japë dorëheqje prej të gjitha posteve politike, dhe të marrë përsipër misionin e Kryetarit të shtetit dhe të unitetit kombëtar , si person mbi partitë.
Dhe ky individ që i plotëson më së miri këto kritere dhe që është i besueshëm për postin e Presidentit , jo vetëm nga LKD-ja por nga i gjithë spektri politik e publik në Kosovë , është Vjosa Osmani.
Dhe nuk e di se përse LDK-ja nuk e propozon atë për postin e Presidentit të Kosoves , kur me kandidaturën e Vjosës për Presidente të Kosovës , kundër saj as që nuk mund të kundërshtojë as LVV.
Prandaj LDK nuk ka pse e mban “sekret” dhe peng kandidatin për postin e Presidentit nga radhët e saj , kur tashmë atë po e deklarojnë dhe e propozojnë jo vetëm antarësia nga radhët e saj , por edhe opinioni qytetar, intelektual e mediatik jo vetëm nga Kosova, por edhe nga diaspora e Shqipëria, e që është Vjosa Osmani.