Hajna.
Sot Haradinaj do të duhej të përgjigjej penalisht për Fondin rezervë të shtetit që e bëri rrush e kumbulla (për koncerte, filma e aktiviitete fantome), e jo të mbajë Konferencë të Unitetit për taksë.
Sot, kur shteti do të duhej të kishte pare rezervë për rrezikun që mund të na kanoset nga coronavirusi, sot ti e sheh fytyrën e vërtetë të tregtarëve shqiptarë (të lidhur me politikën), i sheh patriotat qysh i kanë rritë çmimet, qysh e shfrytëzojnë "frikën për vdekje të qytetarëve", për t'u bërë të pasur..
As Serbia s'na i kish shtrenjtu ushqimet më zi.
Ai që i shkon sot në takim Ramush milionerit, m'u çu n'ditë t'sotit me tjerr për taksën ndaj Serbisë, në kohën kur tregtarët shqiptarë (të politikës), na e kanë gjet ditën dhe na e kanë vënë taksën 200%, edhe vet është hajn milioner.
Si ata shitësit e çadrave që i shesin çadrat më shtrenjtë kur bjen shi.
Këtë e bën veç njeri pa fytyrë,. pa ndërgjegje dhe pa karakter,
E bën harami.
Kush është Ramushi që kujton se me tema të kota dhe kauza të rreme, e rrebelon dhe e bën budallë një popull, të cilin nuk u mjafton që e vjedhin.
Bota flet për vdekjen, Ramushi për taksën ndaj Serbisë.
Ku është shteti?
Pse gjithmonë tregtari shqiptar ka të drejtë, e për konsumatorin nuk interesohet kusht, pse ne kemi mbetur viktimë e përhershme e gllabërimit dhe hajnisë. Letërsia nuk njeh tregtar të ndershëm, në jetën e përditshme nuk di a ka të tillë.
P.S.Ti dil mbaj rend e qetësoji kolonat e gjata para dyqaneve e barnatoreve, dil obligoji tragtarët të vjedhin me karar, e jo që tash po na vjedhin 200 %, dil detyroji tregtarët të na e kthejnë kusurin, e mos na shit mend me patriotizëm, se po shihet patriotizmi juaj,
Plus, që tani më së paku kemi nevojë të ndjehemi shqiptarë, tash shqiptarët kanë nevojë të trajtiohen si njerëz.
