Në kohën kur Kosova po përballet me pandeminë e koronavirusit, skena politike dhe institucionale është duke u përballur edhe me një ngërç politik dhe kushtetues, vlerësojnë njohesit e zhvillimeve politike në vend.
Në vazhdim, veprimet e institucioneve dhe partive politike kanë quar vendin drejtë krizës politike, e cila mund të thellohet edhe më tej, duke krijuar situata të pa deshiruara.
Duke pasur parasysh që nuk kemi pasur një situatë të ngjashme në të kaluarën, pasi jemi shtet i ri dhe jemi duke e testuar qoftë demokracinë tonë, qoftë Kushtetutën e vendit, është më se e nevojshme që Gjykata Kushtetuese të thotë fjalën e vet dhe që të mund t’i nxjerrë vendin nga ky diskurs politik, duke tentuar që të krijojë një stabilitet politik të qëndrueshëm dhe vendit t'i kthehet normalitetit, duke krijuar një klimë dhe gjendje stabile.
Prioritet do i mbetet politikëbërësve tanë, procesi dialogut Kosovë-Serbi, i cili edhe më herët ishte konsideruar që duhet të jetë prioritet i cilësdo qeveri që do të udhëheqte vendin.
Po ashtu sfidë për partitë politike dhe institucionet, do të mbetet respektimi i vendimit të Gjykatës Kushtetuese, që me veprimet e ndërmarra mos të rrezikojnë shkeljen e kushtetutës dhe funksionimin e shtetit.