Shkarkimi i Vjosa Osmanit, edhe një turp i defestistit Isa Mustafës - Bota Sot
Shkarkimi i Vjosa Osmanit, edhe një turp i defestistit Isa Mustafës

Opinione

Shkarkimi i Vjosa Osmanit, edhe një turp i defestistit Isa Mustafës

Nga: Shaip Shala Më: 20 qershor 2020 Në ora: 21:11
Shaip Shala

Propozimi i Isa Mustafës për shkarkimin e Vjosa Osmanit nga dy poste partiake brenda Lidhjes Demokratike të Kosovës, ndonëse i pritur, pas raporteve të krijuara të ndërsjella, paraqet edhe një turp nga shumë turpe që i ka sjellë lideri i LDK-së politikës kosovare, vetëm për interesa personale të sëmuara, aspak për ato partiake dhe shtetërore. Isa Mustafa edhe njëherë ka treguar se në trupin e tij është gjaku i monistit, komunistit të përbetuar dhe i cili sundon me v,lera antidemokratike dhe hakmarrëse. Neve aktivistëve të vjetër të LDK-së po na dhimbset rugovizmi në këtë subjekt politik, i cili ka krijuar shtetin me mençuri, urti, tolerancë, atribute këto të cilit po i shkatrojnë Isa Mustafa, Agim Veliu me disa servila të vet. Vjosa Osmani me qëndrimet e veta nuk ka qenë kundër subjektit politik, por kundër veprimeve autoritare, servile dhe mashtruese të Isa Mustafës, e cila me qëndrimet e veta ka treguar se është besnike, dhe parimore ndaj popullit dhe votuesit dhe joservile sikurse lideri i saj.

Shkarkimi i Vjosa Osmanit nuk do e dëmtojë aspak këtë, por katandisja e LDK-së rugoviste është e pashmangshme, sepse populli ka filluar me nda " shapin prej sheqerit". Shtrohet pyetja, sa po interesohet Isa Mustafa për interesa shtetërore? Aspak, sepse veprimet e tij të vazhdueshme, deklaratat e tij infantile ( jo feministe sipas Lekajt!) tregojnë qartë se atë e intereson vetëm interesi personal, duke anashkaluar moralin politik, njerëzor, shoqëror, edhe si akademik i dështuar, i cili nuk ka dhënë asgjë kombëtare për popullin e Kosovës, bile e ka rrjepur me tre përqindëshin.

Në këtë kontest, do të çudit heshtja e Rinisë Demokratike, e cila sigurisht se nuk sheh perspektivë as në subjektin politik e as në Kosovë, por duke njohur mentalitetin e tyre brenda LDK-së , nuk besoj që ata do të distancohen apo reagojnë radikalisht.

Të gjithë ata që kanë votuar për shkarkimin e Vjosa Osmanit, do të ndiejnë përgjegjësinë për shkak të subjektivizmin të tyre dhe për interesa personale, por prej këtij votimi, Vjosa do të del më e fort dhe stoikisht do i kundërvihet të gjitha sulmeve eventuale. E ardhmja politike është në duart e saj, sepse e krahason besnikëria, profesionalizmi, parimësia dhe fjala e dhënë popullit, kundër liderit të saj servil, mashtrues, hipokrit, jo parimor... dhe mjerisht akademik i dështuar.

Të gjitha veprimet dhe aktivitet e mia, burgosjen, maltretimet në policinë serbe i bëj hallall popullit dhe Kosovës, por kurrë Isa Mustafës, Agim Veliut dhe servilëve të tyre.

Në fund, i lus këta hipokrita të paskrupullt, që mos të shkojnë më tek varri i presidentit historik Ibrahim Rugova, mos të shtiren dhe mos të derdhin lotë krokodili, sepse sot për së dyti e kanë varrosur edhe atë, por edhe Lidhjen Demokratike të Kosovës, për të cilën po vien  ditë të zeza, pa asnjë pike bardhë.

Shfaq komentet
comments powered by Disqus
Sot mund të lexoni Shfletoni kopertinat