Kuvendi i Kosovës kishte miratuar themelimin e Gjykatës për Krime Lufte
Pas një debati të nxehtë, të asaj kohe, ligjvënësit kosovarë ,jo të gjithëvotuan themelimin e gjykatës speciale për hetimin e krimeve të luftës dhe trafikimin e organeve të cilat pretendohet se i kanë kryer pjesëtarët e Ushtrisë Çlirimtare të Kosovës.
Propozimi për themelimin e tribunalit të ri u miratua me 89 vota pro dhe 22 kundër në Kuvend, ndonëse kryeministri Hashim Thaçi e quajti ‘padrejtësia dhe ofendimi më i madh që mund t’i bëhej Kosovës dhe popullit të saj’.
“Lufta jonë ishte e drejtë dhe në përputhje me normat ndërkombëtare të luftës,” insiston Thaci i cili aso kohe ishte lider politik i Ushtrisë Çlirimtare të Kosovës gjatë luftës 1998-99 me forcat e Serbisë.
Por ai gjithashtu tha se Kosovës i duhet një gjykatë e re për t’a ‘pastruar’ emrin e saj nga pretendimet e bëra në vitin 2010 në raportin e Dik Martit në Këshillin e Evropës, i cili pohonte se ish komandantët e UÇK-së përfshirë edhe vet Thaçin kishin organizuar veprime kriminale përfshirë këtu edhe rrjetin ad-hoc të objekteve të paraburgimit në Shqipëri, me sugjerimin se këta pjesëtarë edhe kanë nxjerrë organet nga të burgosurit.
U tha se ; Kosova “duhet të tejkalojë këtë sfidë e bashkuar”, tha Thaçi, duke kërkuar nga deputetit që t’a votojnë atë.
Gjatë debatit, disa deputetë kundërshtuan ashpër akuzat për krime lufte dhe trafikim organesh nga UÇK.
Fatmir Limaj, ish komandant i UÇK-së që është liruar nga akuzat për krime lufte nga Tribunali i Hagës, ka parashtruar pyetjen se pse vendeve siç është Bosnja u është lejuar nga bashkësia ndërkombëtare gjykimi i rasteve të veta.
“Gjykata e Hagës është marrë me krimet e luftës në ish Jugosllavi. Ka gjykuar raste aq s aka mundur dhe ato që nuk ka arritur i ka bartur tek gjykatat vendore. Pse u desht që Kosova të trajtohej ndryshe?’’ pyeti ai.
Por deputetja serbe Vesna Mikic, nga Lista e Bashkuar Serbe, tha se po shpreson që gjykata e re do të sigurojë që ‘gjithë kriminelët që ishin pjesëtarë të UÇK-së të përballen me drejtësinë’.
“Ata duhet dënuar për secilën viktimë serbe, për secilën serbe të dhunuar, për secilin organ serb të hequr, për secilin monument të djegur serb, për çdo pëllëmbë toke të marrë me dhunë dhe për secilin serb të dëbuar,” deklaroi ajo.
Ambasada amerikane në Prishtinë falënderoi deputetët për miratimin e gjykatës së re, duke thënë se ata ‘ kanë konfirmuar zotimin e tyre për themelimin e gjykatës sipas ligjeve të Kosovës e cila do të përqëndrohet në individë dhe akte individuale”.
“Vota e sotme hap rrugë për një proces të cilin bashkësia ndërkombëtare do t’a konsiderojë të besueshëm, dhe që do të ndihmojë të mbyllet ky kapitull i vështirë në historinë e Kosovës” thuhet në deklaratën e ambasadës.
Tribunali do të veprojë sipas ligjeve të Kosovës, por prokurorët dhe gjyqtarët do të jenë ndërkombëtarë, sqaroi Thaçi në Kuvend.
Pritet që të ketë një zyre në Kosovë dhe një zyrë tjetër jashtë vendit, por mbetet e paqartë kur saktësisht do të themelohet kjo gjykatë.
Ndërkohë është votuar dhe miratuar edhe zgjatja e mandatit të Misionit të BE-së për Sundimin e Ligjit në Kosovë, EULEX deri në qershor 2016.Kuvendi i Kosovës miraton themelimin e Gjykatës për Krime Lufte.
Por, derisa flitet për një perspektivë të besueshme të pranimit në BE për vendet e Ballkanit Perëndimor, bie në sy fakti që aty Kosova nuk përmendet fare.
Sipas programit të publikuar në faqen www.eu2020.de, fushat e fokusit të Presidencës gjermane ndër tjerash janë edhe tejkalimi i krizës së coronavirusit për një kohë të gjatë si dhe rimëkëmbja ekonomike; një Evropë më e fortë dhe më inovative; një Evropë e drejtë dhe e qëndrueshme; një Evropë e sigurisë dhe vlerave të përbashkëta; si dhe një Evropë e fortë në botë.
Por, derisa flitet për një perspektivë të besueshme të pranimit në BE për vendet e Ballkanit Perëndimor, bie në sy fakti që aty Kosova nuk përmendet fare.
Lidhur me këtë çështje, në një nga paragrafët e programit thuhet se afrimi i tyre më pranë Bashkimit Evropian është si në interesin e Ballkanit Perëndimor ashtu edhe për interesin strategjik të BE-së.
“… ne jemi duke vepruar në mënyrë aktive në negociatat e pranimit të vazhdueshëm me Serbinë dhe Malin e Zi dhe po përgatitemi për fillimin e negociatave të pranimit me Shqipërinë dhe Maqedoninë e Veriut duke hartuar kornizën e negociatave për këto dy vende, duke marrë parasysh metodologjinë e re të zgjerimit”, thuhet ndër tjerash në programin.
Ndryshe, sa i përket pikave kryesore, është thënë se kapërcimi i pandemisë COVID-19 është një fokus kryesor i Këshillit të Bashkimit Evropian.
“Vetëm duke parandaluar virusin COVID-19 në një afat të gjatë, duke investuar në ekonominë e Evropës, duke shfrytëzuar plotësisht potencialin tonë novator dhe forcimin e kohezionit shoqëror, Bashkimi Evropian dhe shtetet anëtare të tij mund ta kapërcejnë krizën në mënyrë efektive dhe të përhershme. Gjatë Presidencës së Këshillit të Bashkimit Evropian të Gjermanisë, ne do të bëjmë gjithçka që mundemi për të arritur së bashku me këtë detyrë – të merremi së bashku dhe në mënyrë të synuar dhe të ndihmojmë Evropën të shërohet. Objektivi ynë është që Evropa të dalë më e fortë, më e qëndrueshme dhe më e drejtë nga kjo krizë”, thuhet në program.
Siç është shkruar më tej, në të kaluarën, krizat kanë qenë gjithmonë një mundësi në BE për të rishikuar status quo-në dhe të jenë edhe më të përgatitur për t’u përballur me sfidat e së ardhmes.
“Së bashku, ne duhet të përqendrojmë vëmendjen tonë në proceset kryesore të transformimit të kohës sonë, siç janë ndryshimi i klimës, transformimi dixhital dhe bota evolucionare e punës. Bashkimi Evropian gjithashtu qëndron për prosperitetin mjedisor, shoqëror dhe ekonomikisht të qëndrueshëm”.
“Gjermania është angazhuar për miratimin e shpejtë të Kornizës Shumëvjeçare Financiare (MFR) dhe krijimin e shpejtë të një fondi të rimëkëmbjes në mënyrë që të sjellë rimëkëmbjen e qëndrueshme ekonomike dhe sociale me investime ambicioze në mbrojtjen e klimës, kërkimin shkencor dhe transformimin dixhital. Në këtë mënyrë, Bashkimi Evropian mund të adresojë sfidat e paraqitura nga kjo krizë dhe të ndjekë qëllimet e tij strategjike afatgjata në një botë me ndryshim të shpejtë dhe me energji të përtërirë”.
Ndërsa sa i përket politikës së jashtme, thuhet më tej, në një botë të rivalitetit në rritje midis fuqive të mëdha, politika evropiane duhet të forcojë aftësinë e Evropës për të vepruar në botën më të gjerë, në mënyrë që të mbrojë interesat dhe vlerat evropiane dhe të marrë përsipër përgjegjësinë e saj në botë.
“Gjermania është e angazhuar për një rend ndërkombëtar bazuar në rregulla dhe të drejta të njeriut në të cilat Bashkimi Evropian luan një rol në formësimin e standardeve dhe normave në të gjithë botën”.
Politika e migracionit vazhdon të mbetet një çështje e ngutshme duke thënë se Evropës i duhet një fillim i ri në reformimin e sistemit të përbashkët të azilit.
“Dialogu politik mbi shtetin e së drejtës do të forcohet midis shteteve anëtare në një afat të gjatë me diskutime gjithëpërfshirëse mbi bazën e Raportit të ri të Komisionit për Sundimin e Ligjit”.
“Bisedimet intensive për marrëdhëniet me Mbretërinë e Bashkuar do të zhvillohen deri në fund të vitit, të cilat do të zhvillohen në emër të Bashkimit Evropian nga kryenegociatori i BE, Michel Barnier. Gjermania do të punojë për të siguruar kohezionin e vazhdueshëm të BE27. Objektivi ynë është një marrëveshje tërheqëse për të dy palët në bazë të Deklaratës Politike të dakorduar bashkërisht”, përfundohet në përmbledhjen e pikave të programit të Presidencës gjermane të Këshillit të Bashkimit Evropian.
