Nëse do të formojnë një Parti të Re Vjosa Osmani dhe fraksioni antilidershipit që është sot në LDK, në kushtet e reja ku tashmë gjëndet Kosova, në një realitet ku është realizuar tashmë shteti i pavarur i Kosovës, por kur realisht ka dështuar rëndë pothuajse e gjithë elita politike kosovare, ku dështimin më të madh e ka pësuar LDK-ja; kjo forcë e re politike , këtë forcë të re politike e ftojnë në skenë jo vetëm fraksionistët dhe antarësia e LDK-së, të zhgënjyer dhe të tradhtuarit nga lidershipi dhe korrupsioni i saj , por kjo do të ketë përmasën e një lëvizje për një parti moderne gjithpërfshirëse në kushtet e rrethanat e reja demokratike.
Kjo Lëvizje e Re Demokratike duhet të dalë në skenën politike kosovare si Lëvizje e re politike e demoktratike sepse Kosova nuk është si atëhere në kushtet kur u formula LDK-ja , dhe në pamundësi reformimi dhe evoluimi demokratik të saj për shkak se ajo tashmë nuk është një Parti e lirë , as demokratike e as patriotike, kjo forcë e re demokratike do të ketë një program tjetër politik, demokratik, ekonomik e zhvillimor të ri dhe do t’i ftojë në radhët e saj jo vetëm simpatizanët, dhe jo vetëm besnikërinë tradicionale por edhe rininë si dhe shtresat e ndryshme shoqërore, akademike dhe intelektuale progresiste.
Pra, kjo Lëvizje e Re Demokratike është një sfidë dhe antitezë kundër si LDK-së aktuale por edhe kundër Partisë Demokratike të Kosovës të cilat vetëm sa spekullojnë me cilësorin politik si “demokratike”; kjo do të jetë një forcë politike e hapur me një program të hapur dhe me një veprimtari politike me demoktacitet të brëndshëm dhe transparent. Pra, kjo parti do të duhet të jetë si një Lëvizje e re gjithshqiptare ku ajo të ketë antarë jo vetëm nga Kosova por edhe nga Diaspora, Shqipëria dhe trojet e tjera shqiptare.
Kjo Lëvizje e Re politike duhet të ketë një politikë e cila të përputhet me intersin publik e kombëtar dhe që realizon një qeverisje publike ku parësor të jetë interesi kombëtar dhe ku vetëm brënda tij të realizohen në mënyrë të lirë e demokratike talenti ,dhuntia dhe interesi personal. Dhe kjo konstohet si vizion te Znj. Vjosa Osmani dhe me siguri që kjo lëvizje do të kishte edhe mbështetje të gjërë.