Çka tregoi mbledhja e Këshillit të Sigurimit? Disa fjalë edhe për Pacollin

Opinione

Çka tregoi mbledhja e Këshillit të Sigurimit? Disa fjalë edhe për Pacollin

Ismail Muçiqi Nga Ismail Muçiqi Më 16 tetor 2021 Në ora: 17:54
Vjosa Osmani

Mbledhja e djeshme e Këshillit të Sigurimit të Kombeve të Bashkuara, e cila shqyrtoi raportin 6 mujor për Kosovën të sekretarit të përgjithshëm të Kombeve të Bashkuara, Guterres tregoi më së miri përçarjet në skenën e diplomacisë botërore. Përfaqësuesi i Serbisë ministri Selakoviq diskutoi me plotë urrejtje dhe me ngarkesa shoviniste kundër Kosovës. Paraqitja e tij, duke i fajësuar shqiptarët dhe Qeverinë në Prishtinë, ishin gënjeshtrat dhe shpifjet më monstruoze të një diplomati të shekullit të 21.

Presidentja Osmani si gjithmonë në mënyrë brilante, prezantoi gjendjen në Republikën e Kosovës, të arriturat dhe rezultatet e përgjithshme të institucioneve të shtetit, të cilat po bëjnë progres të vazhdueshëm në zhvillimin e Demokracisë, të Drejtave të njeriut dhe sundimin e ligjit. Fjalimi i zonjës Osmani ishte mbi nivelin e anëtareve të Këshillit të Sigurimit. Prandaj, çdo tendencë e kujt do qoftë për ta zbehur diskutimin e saj është mendim tendencioz me plotë xhelozi të sëmurë.

Në këtë mbledhje të Këshillit të Sigurimit u fërkuan raportet diplomatike ndërmjet shteteve me demokraci perëndimore në krye me Shtetet e Bashkuara të Amerikës, dhe në anën tjetër si gjithmonë Rusia, e cila kultivon ideologji majtiste të ish-sistemit bolshevik komunist.

Është e dhimbshme dhe e mjerueshme pozicioni i disa ish-politikanëve në Kosovë, dhe të ashtuquajturave [analistë], të cilët i kanë humbur pozitat dhe privilegjet e mëparshme në kurriz të shtetit të Kosovës.

Në një postim të Behgjet Pacollit në Facebook e lexova deklaratën e tij, i cili me shpejtësi e plasoi lajmin se gjoja.. “Sekretari i përgjithshëm i Kombeve të Bashkuara, zoti Guterres, nuk ka pranuar të takohet me zonjën Osmani dhe delegacionin e saj”?!. Ky lajm konspirativ në momentin e tanishëm nuk i nevojitet askujt në Kosovë, edhe nëse është i saktë!. Pacolli, i cili e bëri mishmash diplomacinë e Kosovës duke krijuar afera më të ndryshme i shkaktoi Ministrisë së Punëve të Jashtme 7-8 ç’njohje nga shtetet e ndryshme të botës.

Është brengosës dhe shumë shqetësues niveli i disa njerëzve me plotë energji negative, të cilët me deklaratat dhe prononcimet e tyre ndaj Qeverisë së Kosovës ja tejkalojnë Vuçiqit dhe Qeverisë në Beograd. Kjo mendësi primitive e [Gjahilëve] është botëkuptimi më i vrazhdë i logjikës dhe mentalitetit të individ apo shoqërisë. Në një rast ku kuvendonin burrat e odave njëri nga ta e pyeti bajraktarin..? “A ka më i keq se gjahili?! Ai iu përgjigj: “më i keq se gjahili është gjahili, i cili nuk e kupton që është gjahil”!. E thashë këtë me qëllim që njeriu publik së pari duhet të kontrollojë dhe korrigjojë fjalën publike, e cila ka peshë para audiencës qoftë për të mirë apo për të keq. Mjaft më me urrejtje patologjike ndaj njëri-tjetrit.

fund, ka ardhur koha kur disa individë debatojnë nëpër televizione, duke i maltretuar qytetarët. Unë skuqem në shtëpinë time para televizorit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat