Çka duhet të kenë parasysh qytetarët kur e votojnë kandidatin, përkatësisht partinë për t’i qeverisur?

Opinione

Çka duhet të kenë parasysh qytetarët kur e votojnë kandidatin, përkatësisht partinë për t’i qeverisur?

Nga: Adem Bytyçi Më: 25 tetor 2021 Në ora: 23:09
Adem Bytyçi

Të gjitha zgjedhjet në vendin tonë i karakterizojnë dëshirat e zgjedhësve – qytetarëve të fitojë partia e jo kanditati më i mirë pavarësisht se cilës parti i përket.

Në rrethana të tilla asnjëherë nuk zgjedhet kandidati më i mirë i cili do t’i përmbushte pritjet dhe dëshirat e qytetarëve.

Zgjedhjet në vendin tonë i përcjellin shumë anomali të cilat jo rrallëherë krijojnë huti të qytetarët për ta zgjedhur kandidatin, përkatësisht partinë për tˋi qeverisur më së miri.

Rastisë që kandidati të jetë shumë i mirë, por i takon partisë e cila në mënyrë të përsëritur e ka keqqeverisur vendin dhe e ka humbur besimin e qytetarëve për t´ia besuar përsëri qeverisjen e vendit, në një situatë të tillë pëson kandidati dhe partia, ani pse kandidati është më i miri.

Zgjedhësit gjithmonë duhet ta kenë parasysh kur zgjedhin cilësitë, aftësitë dhe të kaluarën e pastërt të kandidatit, ani pse ai kandidat i takon një partie e cila për shkaqe të ndryshme e ka humbur përkrahjen e qytetarëve.

Kjo zgjidhje vlenë në zgjedhjet lokale për kryetar komunash.

Eksperienca ka treguar se në disa raste më të dobishëm në qeverisjen e komunave kanë qenë kandidatët e pavarur se sa ata partiakë…

Shembulli eklatant i një qeverisje të mirë të një kandidati të pavarur të komunës së Hanit të Elezit, është z.Suma, i cili tri mandate radhazi e ka qeverisur këtë komunë.

Sa më shumë kandidatë të pavarur të fitojnë poste të kryetarëve të komunave aq më cilësore do të jenë qeverisjet në ato komuna, sepse investimet në komunat e tilla do të bëhen në mënyrë të drejtë sipas nevojave të qytetarëve të këtyre lokaliteteve pavarësisht se cilit subjekt politikë i’u takojnë qytetarët e këtyre lokaliteteve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat