Prononcimet dëmtuese kanë përgjegjësi morale dhe ndëshkime ligjore në shtetet demokratike

Opinione

Prononcimet dëmtuese kanë përgjegjësi morale dhe ndëshkime ligjore në shtetet demokratike

Nga: Sami Arifi Më: 1 dhjetor 2021 Në ora: 13:17
Sami Arifi

Obligim kushtetues i çdo shteti është mbrojtja territoriale e vemdit, në radhë të parë nga ushtria e atij vendi, nga policia për ruajtjen e rendit në atë vend, por edhe nga i tërë populli në mobilizim për mbrojtje në rast cenimit të atdheut.

-Ca prononcime të politikajve dhe ish-politikajve ndikojnë negativisht në vigjilencën e syçelësisë në mbrojtjen e territorit të atdheut të RK-së.

-Është e papranueshme dhe e dëmshme zëri i errët i politikajve apo ish-politikajve që prononcohen në medie, është fjala për zbatimin e reciprocitetit për targa me Serbinë, kur Serbia përmes helikopterëve fluturon mbi hapësirën territoriale të RK-së, cenon integritetin dhe sovranitetin e shtetit tonë...të thuhet në prononcime publike, nga politikajë tanë, përmes medieve se shteti i RK-së nuk ka të drejtë mobilizimi përmes mjeteve ushtarake dhe ushtrisë së saj, kur kemi cenim integriteti të shtetit përmes helikopterve të Serbisë, aq më keq prononcim i një ish-ambasadoreje që duhet të ishtë zëri i mbrojtjes shtetit të RK-së në arenën ndërkombëtare.

-Serbia i nërsen serbët në vendin tonë, i instrumentalizon ata për shkatërrimin e rendit kushtetues me forma nga më të ndryshme, madje përmes krimit dhe korrupsionit për të argumentuar pranë OKB-së paaftësinë e shtetit të RK-së.

-Ishte jo syçelësi e institucioneve të RK-së që në biseda me ndërmjetësues të shtetit tonë me Serbinë, pala jonë, zbehë dialogun në dëm të vendit tonë duke barazuar tërheqjen e policisë speciale të RK-së me barikaduesit e nërsyer nga Serbia që ishin dhe mbetën kontrabandues të krimit dhe korrupsionit.

-Serbia përmes nërsimit të barikaduesëve po minon sistemin demokratik juridik të pavarur, po cenon rendin kushtetues demokratik, po pengon zhvillimin ekonomik, thjeshtë po bën cenim të territorit të RK-së për të cilën gjë në dialog me ndërmjetësues gjatë bisedave ka qenë dashur të inicohet nga pala jonë dhe të akuzohet shteti serb.

-Askund në shtetet demokratike institucionet e shtetit, presidenti, kryeministri, ministrat, drejtorët e policisë, gjeneralët e ushtrisë, nuk janë pronarë të shtetit por shërbëtorë të vendit, prandaj edhe ndërrimet e tyre në bazë të përgjegjësive të tyre janë krejtësisht normale në një shtet demokratik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat