Krimi makabër, i pandëshkuar!

Opinione

Krimi makabër, i pandëshkuar!

Nga: Bejtullah Sokoli Më: 27 janar 2022 Në ora: 20:00
Nesimi Elshani, Agron Fetahu, Halim Hoti dhe Hilmi Krasniqi

Të gjithë ne përulemi me nderimin më të madh, mirënjohjen më të thellë para kujtimit dhe veprës së pavdekshme të Heronjve dhe Dëshmorëve të demokracisë, barazisë, lirisë dhe të Republikës së Kosovës, Nesimi Elshani, Agron Fetahu, Halim Hoti dhe Hilmi Krasniqi.

Këta katër Heronj u vranë dhe njëzet të  tjerë u plagosën nga Krusha e Madhe, Brestoci, Celina, Nagaci, Hoça e Vogël dhe Andadrinia, nga forcat policore serbo-jugosllave gjatë një proteste në hyrje-dalje të Brestocit duke brohoritur: Liri, Barazi, Demokraci, Kosova Republikë etj.

Atëkohë pati filluar episodi i luftës për Kosovën shtet sovran. Por, për fat të keq, ndërsa u bënë 32 vite nga ky tmerr i 27 janarit 1990(shtunë),në Kosovë ende nuk ka ndodhur procesi i zbulimit dhe dënimit të vrasësve, të  vrasjes së këtyre katër heronjve dhe të plagosurve të shumtë.

Prandaj, ky krim makabër nuk mund të harrohet dhe amnistohet për jetë të jetëve. Sepse, dëshmi janë varret. Dhe nuk mund të lihet pa u ndëshkuar, meqë gjallë janë dëshmitarët.

Megjithatë, deri më tani ky sikundër edhe krime, vrasje, masakra, dhunime të shumta para, gjatë dhe paslufte kanë mbetur ende të pandëshkuara.

Nderim në jetë të jetëve veprës, qëndresës dhe sakrificës të Heronjve: Nesimiut, Agronit, Hilmiut dhe Halimit.

Ngushëllime familjarëve dhe Zoti i bekoftë luftëtarët e Çlirimit dhe të Pavarësisë së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat