Edhe unë jam me ambasadorin gjerman në Kosovë: Jo, renovimit të shtëpisë së Xhafer Devës!

Opinione

Edhe unë jam me ambasadorin gjerman në Kosovë: Jo, renovimit të shtëpisë së Xhafer Devës!

Fahri Xharra Nga Fahri Xharra Më 7 shkurt 2022 Në ora: 22:56
Xhafer Deve dhe Kosta Peçanci

Me përfundimin e nacizmit gjerman ka përfunduar edhe historia e Xhafer Devës. Nuk e kuptoj aspak qëndrimin shqiptar ndaj bashkëpunëtorëve të nacizmit e sidomos ndaj Xhafer Devës. Nëse ka mbetur patriotizmi dhe atdhedashuria e jonë në lartësimin e figurës së Xhafer Deves, atëherë kemi ra nga provimi i atdhetarisë.

Pse Ministria e Kultures se Kosovës e fillon një punë së cilës nuk ia di pasojat politike? Pse fillohet restaurimi i shtëpisë së Xhafer Deves pa një diskutim publik?

A nuk kemi ndonjë objekt tjetër historik që e pret renovimin? Pse nuk financoni në permendorët e të parëve tanë historik, si Teuta, Agroni, Bardhyli, Priami Pirroburri, etj? Këto do i jepnin nderë shqiptarisë.

Po, kush e nisi këtë nismë me pasoja të rënda politike, të cilave ju të ministrisë as që ia dini të ardhmen. Pse nuk i pyesni historianët e vërtetë që e mendojnë të ardhmen e Kosovës? Kush ju mashtroi që të nisni një veto të të madhe në Bashkësinë Europiane kundër nesh.

Edhe unë jam me amasadorin gjerman kur thotë: “kultura e kujtesës dhe ruajtja e trashëgimisë kulturore duhet të merren si mundësi për t’u marrë me të kaluarën në mënyrë të hapur dhe të vërtetë.”

Ambasadori i Gjermanisë në Kosovë, Jorn Rohde, ka shprehur shqetësimin e tij në lidhje me planet e restaurimit të shtëpisë së Xhafer Devës, e cila sipas Ministrisë së Kulturës është një prej objekteve më të veçanta të trashëgimisë kulturore në këtë komunë.

Rohde ka deklaruar se kjo mënyrë e të kujtuarit është e gabuar, teksa bëri thirrje që të mos shtrembërohet e vërteta sa i përket Holokaustit.

“Shumë i shqetësuar për planet e restaurimit të shtëpisë së Xhafer Devës, një bashkëpunëtor/protagonist i njohur nazist i SS famëkeq Skënderbeg Div. Asnjë zbardhje e historisë! Mos e shtrembëroni të vërtetën në lidhje me Holokaustin ose krimet e luftës të kryera nga nazistët dhe bashkëpunëtorët vendas. Mbro Faktet”, ka shkruar Rohde në llogarinë e tij në Twitter.

Sipas tij, kultura e kujtesës dhe ruajtja e trashëgimisë kulturore duhet të merren si mundësi për t’u marrë me të kaluarën në mënyrë të hapur dhe të vërtetë.

“Ambasada Gjermane është e gatshme të mbështesë çdo qasje të arsyeshme ndaj kulturës së kujtesës në Kosovë”, ka shtuar ambasadori gjerman.

Mendimi im: mos kundër Kosovës !

E shihni foton? Xhafer Deva një cukël në krahun e Kosta Peçancit, kriminelit më të madh çetnik në Kosovë?
Mësoni historinë ju të Ministrisë së Kulturës.

Po e jap në detaj: gjatë kohës së okupimit, Xhafer Deva ka ardhur në Gjakovë me qëllim të djegies së rrugës së shqiptarëve ortodoks në Gjakovë me shtëpi e katandi. Paria e kohës nuk e ka lejuar këtë krim që kishte me na u përmend tërë jetën.

E falemnderoj ambasadorin gjerman, zotin Rohde që ka dalë kundër këtij rindërtimi dhe me këtë i ka ndihmuar Kosovës.

Historia nuk “zbardhet” me bashkëpunëtorët e llojit të Kosta Peçancit !

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat