Humbësit më të mëdhenj: Dardan Molliqaj dhe Fatmir Limaj!

Opinione

Humbësit më të mëdhenj: Dardan Molliqaj dhe Fatmir Limaj!

Nga: Faton Mehmeti Më: 3 korrik 2022 Në ora: 14:30
Faton Mehmeti

Fortë i bindur se do të drejtonte partinë më të madhe opozitare, në fund të vitit 2017 respektivisht në fillim të vitit 2018, asokohe sekretar i përgjithshëm i Vetëvendosjes, Dardan Molliqaj shënoi fillimin e fundit të tij politik. Aq larg shkoi z. Molliqaj sa i ishte mbushur mendja se do e ndante parinë për ta sunduar më pas, aq sa arriti të krijonte grup parlamentar me 12 deputetë e të cilët vetëm pak muaj me pas s`do fitonin asnjë vend nën logon e PSD.

Kjo vetëm sa e irritoi Dardan Molliqajn me shfrenimin e papërmbajtshëm kur rezultatet e nxorën Vetëvendosjen parti të parë në tetor të 2019 gjë që nuk ndodhte derisa Dardani dhe soji i tij ishin brenda VV. Dikur shokë të ngushtë, Dardani nuk la gjë të poshtër pa thënë për Albinin, me këtë të fundit që injoronte vazhdimisht humbësit e mëdhenj, të cilët i kishte lutur "rrini mos shkoni", e cila lutje nuk bëri punë dhe Albinin të dorëzuar para mungesave të alternativave "shkoni pra".

Shkuarja ishte pa kthim, pa biletë kthyese, fakt i pa pranueshëm për njeriun që në ëndrra të thella e shihte veten kryetar, pse jo edhe kryeministër. Karshillëk Dardanit për humbje i bën Fatmir Limaj, me qëllimin e njëjtë por me metoda të ndryshme.

Fatmiri rrinte nën hije të Hashimit për të marr pozitën e tij kurdo që i vinte radha. Priti gjatë, kur erdhi puna për të zëvendësuar Hashimin tashmë në postin e presidentit, i detyruar të linte postin e kryetarit, me parashutën “alla batoniane”, Kadri Veseli mori drejtimin e partisë më të madhe të kohës. Realitetin nuk e kapërdiu assesi njeriu nën dëshpërimin e madh krijoi subjektin politik Nisma, e cila siç edhe pritej nuk qe jetëgjatë.

Tanimë pothuajse e shuar, Nisma parti lokale e Malishevës ka ngelur një grusht njerëzish të dëshpëruar. Megjithëse moralisht, Limaj ka qenë më korrekt ndaj partisë që i ka dhënë bukë, të cilën Dardani e ka pështyer. Gjithsesi të dy e kanë fatin e njëjtë politik: Të dështuar dhe me nam të keq tek populli. Kështu ndodh kur mundohesh t'ia bësh gropën tjetrit, apo të synosh të mashtrosh popullin me oratori të bukur e me vepra të zeza.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat