Qeveri: Rriti rrogat në sektorin publik dhe privat në paritet mbi 1000 € në muaj për 8 muaj!

Opinione

Qeveri: Rriti rrogat në sektorin publik dhe privat në paritet mbi 1000 € në muaj për 8 muaj!

Nga: Emanuel Bajra Më: 18 gusht 2022 Në ora: 13:55
Autori Emanuel Bajra

Disa veprime konkrete që do të mund të ndërmerreshin nga qeveria për ta parandaluar mjerimin dimërorë në Kosovë:

Nacionalizo të gjithë rrjetin e energjisë që nga furnizimi e deri te shërbimet ditore për një periudhë 8 mujore.

Rrit rrogat në sektorin publik dhe privat në paritet mbi €1000 në muaj për 8 muaj.

Hap linja financiare direkte nga Qeveria për bizneset e vogla dhe të mesme për tetë muaj.

Nacionalizo të gjitha linjat e furnizimit me derivate, ushqim dhe importe tjera për 8 muaj.

Ngrirje totale të çmimit të energjisë për të gjithë konsumatorët në vend.

Rrit taksen korporatave për bankat deri në 60% dhe tepricën buxhetore shfrytëzo për ta ndihmuar konsumatorin.

Ngrirje totale të normës së interesit në kamatë në nivelin 3% për të gjitha bankat dhe konsumatorët, për të gjithë llojin e kredive.

Suspendo të gjitha pagesat për mirëmbajtje të xhirollogarive bankare për 8 muaj në ndërkohë procedo ligjin për “Free Banking” në parlament në mënyrë që konsumatorët të kenë alternativa të shërbimeve bankare pa pagesë.

Për dy muajt e ardhshëm furnizo/mbush hambaret shtetërore me njësi bazike të ushqimit.

Përpilo strategji specifike për edukimin e konsumatorit që të ekonomizohet me përdorimin e energjisë.

Fillo një program të insulimit të shtëpive dhe banesave gjithandej Kosovës.

Ndërto strategji afatgjate konkrete për energjinë.

Krijo aleancë strategjike me industrinë dhe biznesin e Kosovës.

*Shpenzimet totale me këto masa do të mund të akostohen vetëm në rast se Ministri i Financave krijon ambient dhe hapësirë të domosdoshme e të nevojshme për ti riorganizuar financat dhe buxhetin e shtetit për periudhën 2022-2023.

**Dimri do të jetë shumë i vështirë, por nuk ka vend për neglizhencë ose vendnumërim sepse alternativa dhe opsione ka me bollëk.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat