Motivi kryesor dhe i vetëm i tyre është ardhja në pushtet përsëri!

Opinione

Motivi kryesor dhe i vetëm i tyre është ardhja në pushtet përsëri!

Nga: Adem Bytyçi Më: 4 tetor 2022 Në ora: 17:19
Autori Adem Bytyçi

A thua e kanë sinqerisht ata ish politikanë dhe deputetë aktual hallin e rrogave të ulëta të punëtorëve të arsimit?!

Këta deputet si Liza Hoxha dhe ca të tjerë që në emisione TV, po i vajtojnë punëtorët e arsimit, se i kanë rrogat e ulëta, pse nuk thonë se një rrogë e tyre mujore është sa 4 rroga mujore të katër punëtorëve të arsimit, dhe sa athua do të pranonin këta vajtues t'i zbritnin disa përqindje rrogat e tyre në favor të rrogave të arsimtarëve.

Madje, madje ata politikanë dhe këta deputetë, të cilët vërtetë po derdhin lot krokodili për rrogat e ulëta të punëtorëve të arsimit, ani pse kurrë nuk është mjaft ngritja e rrogave të arsimit, a thua janë të vetëdijshëm se edhe rrogat e kategorive të tjera të punëtorëve në vendin tonë janë më të ulëta se të punëtorëve të arsimit, duke përfshirë këtu edhe pensionistët, të cilët me pensionet që marrin nuk u mjaftojnë as për medikamente, se lëre më për plotësimin e nevojave të tjera, e rrogat e atyre politikanëve ish-ministrave dhe të deputetëve aktual janë më të lartat në rajon, në një shtet të varfër si Kosova.

Nuk më thotë mendja se ata që po i vajtojnë punëtorët e arsimit, se i kanë rrogat e ulëta, vërtetë e kanë hallin e tyre, por qëllimi dhe motivi kryesor dhe i vetëm i tyre është ardhja e tyre në pushtet përsëri dhe sa më shpejtë për t'i sjellur gazepin qytetarëve dhe vendit siç vepruan kur vetë e qeverisnin vendin, t'ia ngritni rrogat vetit dhe të pasuroheshin sa më shumë për veti në kurrizin e varfërisë së qytetarëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat