Shqiptarët i bënë 56 kryengritje të mëdha nga viti 1417-1912

Opinione

Shqiptarët i bënë 56 kryengritje të mëdha nga viti 1417-1912

Nga: Dorian Hatibi Më: 28 nëntor 2022 Në ora: 12:16

Janë 56 kryengritje të mëdha nga viti 1417-1912. Një kryengritje çdo 8 vjet në 495 vite robërim.

Në 495 vjet miliona shqiptarë kishin emigruar ose vrarë nëpër luftëra. Shqipëria e vitit 1912 kishte vetëm 780.000 banorë, më pak seç ka Tirana sot.

Në vitin 1912, kur u mëvetësuam nga Turqia, në Shqipëri kishte 99% të popullsisë analfabete, ndërsa shkalla e urbanizimit ishte më e ulëta në Europë me 87% të popullsisë që jetonte ne fshat.

Në 495 vjet nuk u ndërtua asnjë universitet, asnjë teatër publik, asnjë bibliotekë publike, asnjë spital, asnjë vepër e madhe infrastrukturore.

Industria e rëndë dhe planet urbanistike nuk dihej çfarë ishin. Rrugët ishin në shumicën dërrmuese ato që kishte lënë perandoria bizantine. Madje në Durrës Dizdari turk jetonte në kalanë e ndërtuar nga Teodor Komneni në vitin 1225 dhe porti ishte po ai që përdorej nga Venecianët në vitin 1392.

Në shekullin e parë Durrësin e quanin “Taverna e Adriatikut”. Ndërsa në vitin 1571 marinarët dhe udhëtarët e quanin “streha më e ndyrë e kusarëve dhe piratëve”.

Për 495 vjet Shqipëria u rrokullis në abisin e zhulit, injorancës, korrupsionit dhe prapambetjes.

Si sot, 110 vite më parë, Shqipëria vendosi të mëvetësohej nga Turqia.

Gëzuar!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat