Java që e lëmë pas u karakterizua me vazhdimin e luftës verbale të Serbisë ndaj Kosovës. Patriarku Irinej, kreu i Kishës Orthodokse Serbe pas vizitës në Malin të Zi më datë 18 tetor 2018 arrijti edhe në Kosovë ku qëndroi dy ditë, duke vizituar Patrikanën e Pejës, Graçanicën dhe Manastirin e Deçanit. Gjatë kësaj vizite Patriarku Irinej deklaroi se, “ Nuk mundemi dhe nuk do ta japim atë që me shekuj ka qenë e jona e kurrë në histori nuk u ka takuar shqiptarëve, pa marrë parasysh pse na është grabitur dhe tani është nën pushtetin e huaj. Ky është qëndrim i njëzëshëm i Këshillit arqipeshkvor dhe i shumicës së madhe të besimtarëve”. Irinej më tej shtoi se, “ Kisha nuk përpiqet për konflikt të ngrirë në Kosovë, por nuk është as për njohjen e aktit të kryer të arritur me padrejtësi, agresion dhe krime”, duke theksuar se , “ rreth Kosovës nuk duhet vepruar me shpejtësi dhe as me zgjidhje provizore”.
Këtyre mendimeve tejet të gabuara të këtij patriarku vendosëm tu japim përgjigje faktuese.
Z. Irinej është shumë befasuese dhe irrituese që me postin që keni të plasoni kësi mendime joreale e kërcënuese, në vend që të shprehni mesazhe paqeje. Të mjerrët ata besimtarë serbë që u dëgjojnë. Ju e dini shumë mirë se tërë territori i Kosovës ka qenë tokë e Ilirëve, pasardhës të të cilëve janë vetëm shqiptarët dhe se kishat e manastiret ekzistuese i keni ndërtuar në trojet shqiptare të okupuara me ekspedita të përgjakshme, duke i dëbuar shqiptarët të cilët sipas të dhënave të argumentuara historike kanë jetuar gjer në Qupërli (Qupri) përtej Nishit. Kosovën e kanë grabitur serbët me padrejtësi, agresion e krime. Shqiptarët gjatë tërë historisë së tyre nuk kanë okupuar as një pëllëmbë tokë të huaj, por gjithnjë kanë qene të sulmuar dhe të okupuar nga serbët. Ekzistojnë fakte të gjalla e të freskëta se edhe në kohën që ne po e jetojmë Serbia në shekullin e 20-të ka nxitur dhe filluar tre luftëra të përgjakshme, shkatërrimtare e gjenocidale, edhe atë në Kroaci, Bosnjë e Hercegovinë dhe në Kosovë. I dini shumë mirë z. Irinej gjenocidet dhe terroret që serbët i shkaktuan në Srebrenicë, Potoçare dhe Vukovar. E dini shumë mirë z. Irinej se Serbia fillimisht në Kosovë suprimoi administratën, pastaj arsimin e të gjitha niveleve në gjuhën shqipe e pas kësaj e okupoi Kosovën me dhjetëra mijëra ushtarë të armatosur gjer në dhëmbë dhe me armatim të rëndë karshi popullit shqiptar duarthatë. Ushtria serbe në Kosovë vrau 15 mijë shqiptarë, dhunoi në mënyrë shtazarake 18 mijë femra shqiptare, krijoi shumë varreza masive, dogji qndra mijëra shtëpi, shkaktoi eksodin e 1 milin shqiptarëve, ndërsa edhe sot e kësaj dite nuk dihet fati i 1860 shqiptarëve të pagjetur. Kjo don të thotë se Serbia e bëri Kosovën shkrumb e hi. Duke udhëtuar nëpër Kosovën e Pavarur edhe vetë i keni parë varrezat e shumta përkujtimore anë e mbanë Kosovës të rregulluara e të sistemuara bukur ku prehen bijtë më të mirë shqiptarë që flijuan jetën e tyre për çlirimin e Kosovës. Egzistojnë dëshmi të argumentuara historike se serbët janë ardhacakë në Ballkan. Serbia nga një shtet miniaturë i Beogradit i ka zgjeruar kufijtë e vet me luftëra të përgjakshme, me vrasje dhe djegie e më së shumti në dëm të shqiptarëve duke përfshirë gra, pleq e fëmijë. Hordhitë serbe me vrasje i kanë dëbuar shqiptarët nga këto vende dhe i janë afruar edhe bregdetit të Shqipërisë, por në Konferencën e Ambasadorëve në Londër në vitin 1913, dhe në Konferencën e Paqës në Paris në vitin 1920, u vendosën këto kufij aktualë edhe pse në dëm të shqiptarëve. Në viset e okupuara serbët me shpejtësi i kanë zevendësuar toponimet vendase me toponime serbe dhe i kanë ndërtuar kishat dhe manastiret serbe.
Këto të dhëna historike i dëshmon edhe Faksimili i hartës së Enciklopedisë Ruse të vitit 1817, ku shihen qartë kufijtë realë të Serbisë në periudhën e viteve 1804, 1810, 1812, 1815, 1820, 1867 që janë shënuar në brendinë e kësaj harte. Kjo hartë e Enciklopedisë Ruse flet qartë se nuk është e vërtetë atë që thono ju se Kosova me shekuj paska qenë e Serbisë. Kufijtë e sotëm të Serbisë ku janë përfshirë trojet shqiptare janë arritur vetëm nëpërmjet ekspeditave të përgjakshme serbe ndaj shqiptarëve.
Serbia në vitin 1999 në Kosovë pasi i suprimoi institucionet dhe arsimin në të gjitha nivelet në Kosovë, e nisi luftën e fundit duke vrarë mijëra shqiptarë në mesin e tyre gra, pleq e fëmijë. Dhunimet e femrave shqiptare nga ushtarët e paramilitarët serbë janë nga më trishtueset dhe më makabëre që njeh historia e njerëzimit. As për masakrat në kosovë dhe as për masakrat në Kroaci e Boanjë e Hercegovinë Ju nuk e folët asnjë fjalë të vetme qoftë edhe për keqardhje e jo më ti qortonit serbët për këto masakra që tronditën botën e civilizuar.
Gazetarja Luljeta Selimi është autore e librit me titull ”Rrëfimet e femrave të dhunuara gjatë luftës në Kosovë” të shkruar mbi rrëfimet autentike të femrave shqiptare të dhunuara në Kosovë nga ushtarët e paramilitarët serbë.
Ja disa grimca nga libri i Luljeta Selimit që ta zgjojmë sado pak ndërgjegjen Tuaj: “ Ma pushkatuan nënën e vëllanë, kurse mua më dhunuan dhe trupin tim e masakruan për së gjalli me cigare”. Një nga mjeket deklaron se,”Vajzës së dhunuar i ishte shqyer mitra dhe se në organet gjenitale i kishin futur rërë, këmbët e gërvishtura dhe mes dy gjinjëve me majën e thikës kishte të vizatuar kryqin serb”. Ose rrëfimet e tjera,” Fëmijët vajtonin mbi trupin e përgjakur të babait të tyre të vrarë, e mua më çnderonin vetëm disa metra larg tij”,” Pasi ma vranë djalin, mua më çnderuan disa ditë me radhë”, “Djalit dy vjeçar ia prenë veshin dhe tre gishtërinj, e pastaj më dhunuan”, “Më dhunuan para syve të nënës”, “Më dunuan e ma prenë gjirin”, “Cigaren e ndezur e fiki në gjinjtë e mi”, “Me thikë shkruan fjalë mbi trupin tim, “Më detyronin t’i shiqoja femrat që po i dhunonin me radhë”, “Pasi më dhunuan, m’i hoqën thonjtë me dana”, “Motrën e mbytën me kundak të pushkës”, “14- vjeçarja u dhunua në borë”, “Pasi e dhunuan 13-vjeçaren e hudhën në pus”, “Më çnderuan para syve të babait dhe nënës”, “Në muajin e tëtë të shtatzanisë më përdhunoi para vjehrës dhe burrit, e pastaj më goditi në gjoks e në bark dhe linda fëminë e vdekur”, “ Më dhunuan dhe në krah ma vizatuan kryqin serb”, “Pasi i çnderruan tri vajza, ua prenë organet gjenitale…”. Këto janë të vërtetat që duhej ti dinit z. Irinej.
Aleksandër Vuçiq, presidenti i Serbisë, siç njoftoi Radio B92 në Ditën e Agjensionit Informativ të Sigurisë, gjithashtu më 18 tetor 2018 deklaroi se, “ Kosova është sfida më e madhe e sigurisë për Serbinë. Në atë pjesë të territorit po ballafaqohemi jo vetëm me faktin se atje dikush ka krijuar pavarësinë, por edhe me sfidat e sigurisë për ekzistencë të popullit dhe me pjesëmarrjen e konsiderueshme të faktorit ndërkombëtar, i cili me politikën e aktiit të kryer do të donte të na sillte në pozitën se nuk kemi çka të kërkojmë atje”, duke shtuar se, “ anëtarët e këtij shërbimi sekret serb duhet ti bëjnë të gjitha për ta siguruar paqen dhe për tu mundësuar serbëve të mbeten në kosovë dhe aty të jenë vetvetja”. Ai më tej tha se Serbia po shenjohet si fajtorja kryesore për gjithë ato që kanë ndodhur në hapësirat e ish Jugosllavisë” , ka thënë Vuçiq.
Z. Vuçiq pergjigja jonë është se të gjitha këto që po flisni janë gjepura dhe na habit fakti se shiteni si politikan i moderuar, ndërsa veprat tregojnë se po shkoni drejt rrugës së Millosheviqit, i cili ishte kokëfortë dhe e dijmë si përfundoi. Është më se e vërtetë ajo që u thonë ndërkombëtarët, se ju nuk keni çka të kërkoni në Kosovën e Pavarur e të lirë ku ekziston paqja dhe barazia për të gjithë duke përfshirë edhhe serbët, sepse 5 përqindëshi i serbëve që jeton në Kosovë i gëzon të drejtat që nuk i ka asnjë pakicë kombëtare në botë. Krahasonoi të drejtat që i kanë serbët në Kosovë me të drejtat që i kanë shqiptarët e Luginës së Preshevës që janë nën Serbi. Serbët në Kosovë i kanë të gjitha të drejtat, por është Beogradi që po i instrumentalizon për të përfituar edhe më shumë nga Kosova. Më kot harxhoni energji negative kundrejt Kosovës së Pavarur e Sovrane. E vetmja gjë që mund të bëni është që Lugina e Preshevës ti bashkangjitet Kosovës e asgjë tjetër. Ëndrat Tuaja që keni për Kosovën janë shuar me Pavarësinë dhe çlirimin e Kosovës. E vetmja gjë civilizuese që mund ta bënit do të ishte të kërkonit falje publike për terrorin, dhunimet dhe gjeënocidin që ushtria dhe paramilitarët serbë i bënë gjatë luftës së fundit në Kosovë. Këtyre ditëve po dëgjojmë se jeni shqetësuar shumë për themelimin e ushtrisë së Kosovës. E keni shumë gabim sepse Kosova tani është shtet i pavarur dhe e ka të domosdoshme ta ketë ushtrinë e vet për ti mbrojtur kufijtë e saj dhe pragun e shtëpisë, e jo për ti sulmuar të tjerët.
Vojisllav Sheshel, kryetari i Partisë Radikale Serbe dhe deputet i kësaj partie në Parlamentin e Serbisë, këtyre ditëve në Televizionin serb Happy, u shpreh se, “ Planifikon të blejë shtëpi në qendër të Preshevës se ajo e tëra do të mbetet në Serbi, se Kosova në tërësi do të mbetet në Serbi, ajo do të ketë një autonomi që mund të jetë kulturore dhe se katër komunat serbe nuk vihen në pyetje. Aty është prona homogjene serbe përfshirë Gazivodën. Kopaoniku është i mbrojtur, Trepça nuk është e tëra. Hyrja për dritrare është në anën e Serbisë e ne do të krijojmë qasje. Gjithsesi duhet të ketë lidhje tokësore ndërmjet fshatrave në Kosovë. Deçani do të duhej të kishte ekstra territorialitet . Kishat dhe manastiret serbe janë shumë të rëndësishme . Komuna e Shtërpcës duhet të ruhet me të gjitha mjetet. Presheva, Bujanovci dhe Medvegja, ato nuk debatohen”, ka thënë Sheshel.
Z. Sheshel për këto mendime destruktive Tuaja përgjigja jonë është se, edhe pse tashmë keni hy në moshën e tretë të jetës, çuditërisht nuk keni evoluar aspak në aspektin pozitiv njerëzor. Dëshironi të bleni një shtëpi në qendër të Preshevës, por harroni fare se një albanofob siç jeni Ju nuk mund të qëndrojë as disa orë në këtë qytet. Ju jeni të preokupuar nga ëndërat dhe planifikimet e sëmura që i bëni për ta okupuar sërish Kosovën, që nuk mund të realizohen asnjëherë.
Libri i gazetares Luljeta Selimi me përmbajtjen e tij trishtuese por tejet reale, është argument i pakontestueshëm për mbarë opinionin që të mësojë e dijë më shumë për gjenin shtazarak serb ndaj shqiptarëve në Kosovë. Ky libër dhe librat me përmbajtje të ngjashme është më se e nevojshme të përkthehen në gjuhë të huaja dhe tu dërgohen ambasadorëve në OKB, në Unionin Evropian, në Këshillin e Evropës, në Grupin e Kontaktit dhe tërë burrështetasve tjerë. Një libër i këtillë do të ishte gjë e qëlluar tu dërgohet edhe bashkëshortes dhe fëmijëve të Aleksanër Vuçiq që me fakte të binden për rrugën e gabuar të tij ndaj Kosovës. Një libër të këtillë duhet ti dërgohet edhe Frederika Mogherinit, komesares së lartë të BE që ndërmjetëson bisedimet Prishtinë-Beograd në Bruksel, Maja Kocijançiqit, zëdhënëses së BE-së, pse jo edhe Ana Bërnabiqit, kryeministres së Serbisë. Në këtë mënyrë ato do të kuptonin më qartë se çfarë krimesh kanë bërë serbët në Kosovë, e sidomos ndaj femrave shqiptare.
Unë gjer më sot kam shkruajtur disa tekste që janë botuar në media me rekomandim lidershipit kosovar, biznesmenëve në Kosovë, Shqipëri, Maqedoni e në diasporë, që librat me kësi përmbajtje duhet të përkthehen në gjuhë të huaja dhe të shpërndahen nëpër botë. Me një letër të hapur i jam drejtuar edhe Kongresit Mbarëshqiptar në Botë të mbajtur nga vëllezërit Kuzhnini në Prizren dhe në Tiranë. Para disa muajve në media u botua edhe një letër e imja e hapur drejtuar Bexhet Pacollit, ministër i jashtëm i Kosovës, me të njëjtën kërkesë. Jam mëse i bindur se një gjë e tillë do të ishte shumë dobiprurëse për Kosovën, sepse përmbajtja e këtyre librave flet më shumë se qindra ambasadorë në të mirë të Kosovës, por për fat të keq këto rekomandime të mia gjer më sot kanë hasur në vesh të shurdhër.
Vasfije Krasniqi-Goodman siç raportuan mediat kosovare më datë 18 tetor 2018, është dekoruar nga Presidenti Hashim Thaçi për rrëfimin e guximshëm të dhunimit të kësaj femre shqiptare nga forcat paramilitare serbe. Presidenti Thaçi me këtë rast tha se, “ Kam përjetuar momente të rënda emocionale dhe të dhimbshme në rast të tragjedive e masakrave nga ushtria serbe drejt popullsisë shqiptare . Një nga brengat më të dhimbshme ka qenë dhunimi i rreth 20 mijë grave shqiptare nga forcat paramilitare serbe. Sot është një moment emocionues dhe rrënqethës. Rrëfim që thërret për ndërgjegje në Kosovë dhe therret ndërgjegjen e drejtësisë ndërkombëtare se e vërteta po thuhet, por drejtësia nuk po zbatohet. Për heroinen e gjallë, Vasfijen, për guximin e saj të jashtëzakonshëm ndaj Medalje për trimeri e guxim”, ka thënë Thaçi.
Ndërkaq Vasfije Krasniqi-Goodman falenderoi presidentin duke ia kujtuar atij se për të dhunuarat duhet drejtësi. “Ju falenderoj për dekoratën në emër të të gjithave. Neve na duhet mbrojtje dhe drejtësi juridike”, ka thënë Vasfije Krasniqi Goodman.
Vasfije Krasniqi-Goodman të njetën ditë u prit edhe nga Ramush Haradinaj, kryeministër i Kosovës, i cili në Facebook ka shkruar se, “ Të gjitha viktimat e dhunës seksuale e kanë mbështetjen e qeverisë dhe asnjëherë nuk duhet të ndihen të vetme në betejën për drejtësi. Kryeministri ka thënë se Vasfije Krasniqi e ka mposhtur heshtjen duke u bërë model i shoqërisë sonë”.
Edhe pse me kaqë vonesë të madhe dhenia e medaljes për trimëri e guxim Vasfije Krasniqit- Goodman nga presidenti Thaçi dhe fjalët e tij me këtë rast janë për tu përshëndetur. Është për tu përshëndetur edhe pritja dhe qëndrimi i Ramush Haradinajt, kryeministrit të Kosovës lidhur me z. Vasfije Krasniqi- Goodman dhe viktimat etjera, por kjo nuk duhet të mbetet me kaqë.
Përshtypjet tona si gazetarë na obligojnë ti drejtohem Presidentit Hashim Thaçi duke përsëritur kërkesën se librat që bëjnë fjalë për dhunimet dhe terrorin serb në Kosovë duhet sa më parë të përkthehen në gjuhë të huaja e të shpërndahen nëpër botë.
Ramush Haradinaj gjatë një debati të zhvilluar me datë 17 tetor 2018 me studentë në Tiranë, duke folur për prapaskenat e idesë për ndryshimin e kufijve me Kosovës dhe Serbisë, ka akuzuar Serbinë si sposorizuese të kësaj agjende, e që fatkeqësisht sipas tij, ka depërtuar e ka gjetur mbështetje edhe në Kosovë. Pse duhet të na imponohet një debat i tillë, pasi prej 20 viteve Serbia investon, ka hedhur para, ka bërë miq, kanë lobuar që debati të përhapet edhe brenda nesh. Pse duhet të përballemi me teorinë e ndarjes. Edhe unë nuk kam bërë mjaftueshëm diskutime me popullin tim për ti treguar se ku qëndron e vërteta. Ai ka folur për luftën e bërë, marrëveshjet ndërkombëtare dhe vijën kufitare, duke thënë se nuk mund të bëhet kompromis me territorin”.
Përgjigja jonë lidhur me këto zhvillime do të ishte se, Ju President Hashim Thaçi dhe ju Kryeministër Ramush Haradinaj po flismi fjalë të bukura për Kosovën, por nuk jeni duke vepruar aqë sa nevojitet. E para që duhet ta bëni është ti përktheni në gjuhë të huaja librat e sipërpërmendura dhe ta organizoni shpërndarjen e tyre nëpër botë. E dyta është që të arrini një konsensus mbarëkosovar e mbarëshqiptar për sfidat që e presin Kosovën, sepse i vetëm askush në botë nuk mund ti kapërdijë këto kafshata që Juve u duken të vogla. E treta asnjë bisedë me Beogradin nuk duhet ta nisë pa u zbuluar personat e pagjetur dhe pa kërkuar Serbia falje publike për të gjitha gjëmat që ia ka shkaktuar Kosovës. E katërta për bisedimet Prishtinë-Beograd lypset të përgatitet një platformë cilësore e përmbajtësore. Ndryshe do të mbeteni lidershipi më i dështuar i Kosovës, e cila me sakrifica të mëdha u çlirua, u pavarësua dhe gjertani e kanë njohur 115 shtete. Keni mbështetjen ndërkombëtare dhe është dashur të bëni shumë më tepër. Populli nuk jua vlerëson gunën por punën që bëni. Vetëm në këtë mënyrë do të mund ti kundëviheni këmbëngulësisë dinake të Serbisë.