Së pari të bashkuar nën kapelën e bardhë të Shqipërisë Etnike, pastaj në BE-në demokratike

Opinione

Së pari të bashkuar nën kapelën e bardhë të Shqipërisë Etnike, pastaj në BE-në demokratike

Nga: Prof. Dr. Mehdi Hyseni Më: 29 nëntor 2018 Në ora: 16:43
Prof. Dr. Mehdi Hyseni

 ***   Përsëritja e “simbolikës” së Ankarasë së Bamir Topit kundër bashkimit kombëtar,  “Së parri në BE, pastaj bashkimi i të gjitha trojeve shqiptare” !!

Kjo është hera e dytë, që brenda tetëvjeçarit të fundit, Bamir Topi po e mbron një tezë të tillë antibashkim. Mirëpo, në thelb, nuk ka tezë më e dëmshme, më perverze dhe më e bythëpraptë se  kjo, kur thuhet “bashkimi i shqiptarëve do bëhet në Bruksel”, të cilën qe 8 vjet e mbron me fanatizëm në mënyrë anemike  dhe miope politike, edhe   ish-presidenti i Shqipërisë, Bamir Topi, që nga Ankaraja (2011), e, edhe sot nga Tirana (2018).

Kjo tezë  antibashkim bëhet edhe më komike dhe, pa kurrfarë kuptimi, kur autori i saj  Bamir Topi orvatet ta “justifikojë” me konkluzionin e tij naiv të paqëndrueshëm se gjoja shqiptarët do të “bashkohen kur Kosova dhe Shqipëria të integrohen në BE”, duke qenë se sipas “dioptrisë largpamëse” politike të tij, pas  një bashkimi të këtillë, “kufijtë e Evropës do të jenë virtualë” !

Ky është një gabim i madh, që vite me radhë po përsëritet nga antibashkuesit e kombit shqiptar dhe të Shqipërisë Etnike, jo vetëm nga Bamir Topi, i cili siç ka deklaruar edhe në intervistën më të re dhënë  gazetës “Zëri” të Prishtinës, më 27 nëntor 2018,  bashkimin kombëtar ja kana (po si të davaritet frika,interesi dhe lakmia për pushtet dhe për karrierë politike), por sipas tij, “  ai do  do të ndodhë vetëm atëherë kur Shqipëria e Kosova do të pranohen në Bashkimin Evropian (BE)”. (http://zeri.info/aktuale/227688/topi-shqiptaret-bashkohen-ne-be/ .

Esenca politike e këtij konkluzioni karakterizojet nga josinqeriteti, nga frikësimi, nga apologjia  dhe nga oportunizmi për të mos rënë ndesh me idetë, me konceptet dhe me standardet e BE-së së “asëve” të sotëm të saj, që vendosin për fatin e  integrimit të vendeve të Ballkanit.

-Sadoqë Bamir Topi dhe “topat’ e tjerë të Shqipërisë,  të cilët deklarativisht pohojnë se “ua kana bashkimin kombëtar, por vetëm pasi Kosova dhe Shqipëria të integrohen në BE”, kjo tezë ANTIBASHKIM, në tërësi ka karakter demagogjik, amoral, antirealist dhe antiukombëtar ngaqë është e papranueshme si historikisht, politikisht, kombëtarisht dhe ndërkombëtarisht, sepse e kushtëzon dhe e margjinalizon  bashkimin kombëtar shqiptar,  se gjoja,  së pari, vetëm “Shqipëria dhe Kosova”, duhet të aderojnë në BE, e “pastaj,  do të ketë bashkim të trojeve shqiptare, meqë pas kësaj kufijtë do të jenë vetëm virtual”, sipas Bamir Topit (ish-president i Shqipërisë).

Kjo është rrena më e madhe dhe padituria më e turpshme politike, që po i bëhet kombit shqiptar, sepse  edhe sikur Kosova dhe Shqipëria të  integroheshin  në Bruksel, Evropa kurrë nuk do të lejonte bashkimin e të gjitha territoreve  autoktone shqiptare në kuadrin e  shtetit kombëtar të Shqipërisë Etnike, si këtu e 140 vjet më parë. Këtë fakt të rëndësishëm, duhet mbajtur parasysh të të gjithë Bamir Topat, që botërisht po gënjejnë se të gjithë shqiptarët do të bashkohen, pasi Kosova dhe Shqipëria të bashkohen në Bruksel.

Tezë më se e bythëpraptë, më se absurde dhe tërësisht iracionale

-Gjëja se Brukseli ua paska borxh  Bamirë Topëve të gjysmë Shqipërisë, që kufijtë e Evropës t’i lërë të hapur si “terra nullius”, vetëm për t’i “bashkuar trojet etnike shqiptare”, por vetëm, atëherë, pasi Kosova e gjysmë Shqipëria londineze, t’i bashkoheshin BE-së!?

Ky “bashkim  i të gjitha trojeve shqiptare”, sipas Bamir Topit, “do të ndodhë, sepse kur Kosova e Shqipëria të bashkohen në BE, atëherë nuk do të ketë kufijë virtualë në Evropë” !?

Edhe sipas metodologjisë pedagogjike, këtë tezë eklektike dhe agnosticike, Bamir Topi e ka shtruar bythëprapë, që të mos gjejë zgjidhje kurrë, siurse këtu e 140 vjet më parë!

-Po, nëse Topit i fle në shpirt bashkimi kombëtar, atëherë,  ai së bashku me të gjithë “topat” e tjerë, me guxim, me ballë lart, me krenari, me dorë në zemër dhe me mendje të mbledhur si thoshte BABAI i Shqipërisë Etnike, Ismail Qemali,  duhet ta riformulojnë tezën e bythëpraptë të tyre, SË PARI (PA U INTEGRUAR NË BE), duke kërkuar nga Tirana dhe nga Prishtina, që brenda kufijve natyralë etnikë, gjeopolitikë dhe historikë legjitimë të SHQIPËRISË ETNIKE, të bashkojnë Kosovën, Preshevën, Bujanocin, Medvegjën, Iliridën, Çamërinë dhe Malësinë e Madhe, e pastaj të kërkojnë INTEGRIMIN E TYRE NË BE. –JO anasjelltazi, sepse ashtu, shqiptarët kurrë nuk do të arrijnë të bashkohen brenda kufijve historikë legjitimë të SHQIPËRISË ETNIKE.

Pra,  SË PARI BASHKIM BRENDAKOMBËTAR, pastaj  të BASHKUAR NË BE!

-Ndryshe, sërish do të vinte në shprehja mashtrimi, tradhtia dhe vetëmohimi, që shqiptarët dhe trojet e tyre etnike, do t’i linte në moçalet, në kënetat dhe në detet e tyre të kolonializmit gjenocidal të amalgamës shekullore serbo-sllave (1878-2018).

Deklarata   e Topit në Ankara (2011)

*** Bamir Topi (presidenti aktual i Shqipërisë) gjatë vizitës së tij në Ankara të Turqisë, në një konferencë shtypi, deklaroi se " Bashkimi i Shqipërisë me Kosovën do bëhen vetëm në Bruksel të Belgjikës. Unë e kam thënë dhe shumë herë të tjera, sepse gazetarët, pavarësisht nga njëri-tjetri, e bëjnë gjithnjë këtë pyetje, por nga unë kanë marrë gjithnjë të një përgjigje, pavarësisht se kur është bërë pyetja. Shqipëria dhe Kosova janë dy shtete, të cilat kanë një aspiratë. Edhe Shqipëria edhe Kosova dëshirojnë të jenë pjesë e Bashkimit Evropian dhe në kuptimin simbolik bashkimi, unë e kam thënë vazhdimisht këtë, ndodh në Bruksel, siç do të ndodhë për të gjitha vendet e tjera. Dhe ju e dini simbolikën e Brukselit. Është edhe qendra administrative e Evropës së Bashkuar, por atje është dhe selia e NATO-s. Kështu që në të dy simbolikat Shqipëria dhe Kosova në perspektivë do të takohen, në vijim të pyetjes suaj, në Bruksel".( http://www.zeri.info/artikulli/1/1/36108/bashkimi-i-shqiperise-me-kosoven-vetem-ne-bruksel/12/10/2011)//).

-Nuk befason fare përmbajtja boshe dhe astrologjike e kësaj deklarate, sepse, tanimë, qe njëzet vite(1990-2011), na kanë bindur shtetarët e Shqipërisë se, jo vetëm që janë alergjikë, frikacakë por edhe oponentë të ashpër të bashkimit të Kosovës me Shqiërinë, përkatësisht të bashkimit të të gjithë shqiptarëve dhe të Shqipërisë natyrale. Ata mendojnë dhe luftojnë vetëm për ruajtjen e pozitave të tyre karrieriste në pushtet, jo assesi për mirëqenien e populllit as brenda, e as jashtë kufijve të Shqipërisë londineze.

-Na erdhi mirë, apo keq! U pajtuam, apo nuk u pajtuam me mesazhin politik antibashkim të kësaj deklarate të presidenitit të Republikës së Shqipërisë, Bamir Topi, të pohuar në konferencën e theksuar të gazetarëve në Ankara, me rastin e vizitës së tij zyrtare Turqisë, sa të ketë në krye të Shqipërisë bamirë topë të tillë, që për hir të interesave të huaja, si dhe të luftës së tyre për pushtet, bashkimi i shqiptarëve dhe çlirimi i tyre antikolonial nga sllavët imperilaistë dhe kolonialistë fqinj të Ballkanit, vërtet është i largët dhe i diskutueshëm, pavarësisht nga gjaku ynë i derdhur në luftrat dhe në kryengritjet shekullore të derisotme ( 1878 -2011) për liri, për pavarësi dhe për bashkim kombëtar, territorial dhe shtetëror të Shqiërisë Etnike.

Efektet negative të politikës antibashkim

Nuk ka dyshim se një politikë e tillë antibashkim e shtetarëve të Shqipërisë (1992-2011), ka dhënë, edhe "rezultatet e para shkencore" negative në Kosovë ngase erdhi në shprehje edhe "zbulimi epokal" i "kombit kosovar", si dhe fillloi "hajka" në prishjen e standardit të gjuhës letrare shqipe, të krijuar në Kongresin e Tiranës, më 1972.

Prandaj, nëse edhe më tej vazhdon një politikë e tillë me përmbajtje antibashkim nga ana e Tiranës zyrtare, nuk është e çuditshme, që një ditë, të shpërfaqen edhe grupe të ndryshme "rrebele" ekstremiste kundër aspiratës dhe kërkesës historike legjitime dhe të drejtë të popullit shqiptar për çlirim antikolonial dhe për bashkim gjithëkombëtar. Mirëpo, atëherë përgjegjësia do të bjerë mbi ato forca politike dhe shtetërore të Shqipërisë, të cilat, qe dy dekada resht, ia kanë zënë frymën bashkimit kombëtar shqiptar.

Nolens volens, duhet të pranojmë faktin se, jemi "duke rrahur ujë në havan" ( sepse përveç Beogradit, Shkupit, Podgoricës dhe Athinës, edhe Tirana zyrtare botërisht po e kundërshton bashkimin kombëtar shqiptar dhe të Shqipërisë etnike), kur është fjala për bashkimin e Kosovës me Shqipërinë (si hap i parë drejt zgjidhjes së çështjes koloniale shqiptare në Ballkan).

Nuk ka dyshim se, kundërshtimi dhe refuzimi i bashkimit të Shqipërisë me Kosovën nga ana e bamirë topëve, e sali berishëve, e fatos nanove dhe e edmond haxhinastove, është një gabim i madh historik, politik, diplomatik, kombëtar dhe ndërkombëtar, sepse bie ndesh me të drejtën historike, me të drejtën e vetëvendosjes së kombit shqiptar dhe të Shqipërisë Etnike, si dhe me Kushtetutën e sotme të Shqipërisë, të miratuar me referendum në vitin 1998, ku thuhet se shqiptarët kanë të drejtën e mbrojtjes së identitetit dhe të bashkimit të tyre.

Ajo që e bën edhe më iracional dhe më të papranueshëm refuzimin e bashkimit të Kosovës me Shqipërinë nga ana baimrë topëve dhe e sali berishëve, është fakti se tezat, qëndimret dhe pikëpamjet e filozofisë politike të mjerimit të tyre antibashkim, përputhen me tezat, me qëndrimet dhe me konceptet e politikës, të diplomacisë, të propagandës dhe të kuazishkencës serbomadhe, të cilat, njëkohësisht e mohojnë dhe e kundërshtojnë verbërisht bashkimin kombit shqiptar dhe të Shqipërisë Etnike.

Brukseli, "simbolika" e bashkimit të Bamir Topit me Kosovën!

- Së pari, Tirana, duhet të bashkohet me vetëvetën (pozitë – opozitë), pastaj me Brukselin. Ndryshe, nuk do të ndodhë kurrfarë bashkimi i Shqipërisë me Kosovën në Bruksel-simbolikën e Bashkimit Evropian(BE). Ky është vetëm një vetëmashtrim dhe spekulim politiko-propagandistik në dëm të bashkimit realist të Kosovës me Shqipërinë.

Për t’u realizuar kjo ëndërr e bukur fantastike e ish-presidentit  të Republikës së Shqipërisë, Bamir Topi, së pari, është e domosdoshme , që virtualisht dhe praktikisht, Prishtina të bashkohet me Tiranën, pasatj, të nxirret bileta e përbashkët për të fluturuar në drejtim të Brukselit-simbolikës së integrimit, edhe të vendeve të "Ballkanit Perëndimor" në kuadrin e BE-së.

Mirëpo, është e pabesueshme që të ndodhë një "simbolikë" e tillë e bashkimit të Bamir Topit me Kosovën, sepse, asnjë vend i "Ballkanit Perëndimor", që ka konteste territoriale me fqinjtë, nuk do të mund t’i " fryjë çorbës" integruese në BE, pavarësisht nga lista e dëshirave të bukura dhe e ambicieve të shkreta politike dhe reformatore.

-Si do të mund të hynin në BE, Kosova dhe Shqiëria, kur më se gjysma e shqiptarëve të tjerë, do të ngelinin nën sundimin kolonial të Serbisë (Presheva, Bujanoci, Medvegja), të "Maqedonisë" (Ilirida), të Greqisë (Çamëria) dhe të Malit të Zi (Malësia e Madhe)?!

-Shkelja Kushtetutës është vepër penale, jo kundërvajtëse!

- Ata shtetarë që e shkelin dhe, nuk e zbatojnë Kushtetutën, moralisht, ligjërisht, e as me Kushtetutë, nuk mund të jenë në krye të insitucioneve shtetërore! Mirëpo, praktika 30-vjeçare në Shqipërinë londineze, e provoi të kundërtën, pikërisht, ata që e shkelin kushtetutn dhe ligjin, ata edhe i drejtojnë institucionet kryesore të shtetit të Shqipërisë. Sipas një logjike të tillë të papraueshme, duket se kjo është rruga më oporotune dhe më e shkurtër për t’u integruar në BE!!!

-Si mund ta shkelin Kushtetutën në fuqi, Bamir Topi dhe “topat” e tjerë në pushtet, duke deklaruar para botës se, janë kundër bashkimit të Kosovës me Shqipërinë, ndërsa në Kushtetutë, është shkruar e kundërta në favor të bashkimit gjithëkombëtar shqiptar?!

-Po, nëse ata janë të bindur në "drejtësinë" e tyre kundër bashkimit të Kosovës me Shqiprinë (në kuptim të ngushtë), përkatësisht kundër bashkimit të të gjithë shqiptarëve dhe të Shqipërisë natyrale, atëherë nuk ka nevojë që orë e ças, ta "bombardojnë" opinionin publik, duke përsëritur të njëjtën parullë demagogjike gabim historiko-politik, por le ta NDRYSHOJNË KUSHTETUTËN e Republikës së Shqipërisë!

Kjo nuk është kurrfarë befasie, as risie politike, diplomatike dhe propagadistike e shtetarëve të gjysmë Shqipërisë së lirë (1912-2018), porse vetëm një logjikë e filozofisë së mjerë e antibashkimit, që pikësëpari bie ndesh me të drejtën historike të bashkimit të popullit shqiptar dhe të Shqipërisë Etnike.

Gjithashtu filozofia politike e antibashkimit të krerëve të sotëm të gjysmë Shqipërisë, është në kundërshtim flagrant edhe me Kushtetutën në fuqi, ku thuhet: " me aspiratën shekullore të popullit shqiptar për identitetin dhe bashkimin kombëtar"(Preambula e Kushtetutës së Republikës së Shqipërisë, hyrë në fuqi më 1998).

Të gjithë ata shtetarë dhe liderë politikë shqiptarë, të cilët, deri tani, janë deklaurar kundër bashkimit të kombit dhe të Shqipërisë Etnike, mund të vendosin vetëm për vetën e tyre se, ku dhe, kur do të takohen për të pirë whisky , në Bruksel, në Stamboll, në Beograd, në Athinë apo në Tiranë. Ajo është çështje e tyre private personale. Ndërkaq, asnjësri prej tyre nuk mund të thirret dhe të vendosë se, kur dhe ku do të bashkohet Shqipëria me Kosovën, me Çamërinë, me Anamoravën, me Iliridën dhe me Malësinë e Madhe, sepse për këtë do të vendosë vetëm populli shqiptar-sovrani, askush tjetër.

Sipas kritereve dhe standardeve të agjnedës së zgjerimit të BE-së, parashikohet se deri në vitin 2020, të gjitha vendet e "Ballkanit Perëndimor" (Serbia, Shqipëria, Mali i Zi, Bosnja e Hercegovina dhe Maqedonia, do të integrohen në kuadrin e saj. Mirëpo, çfarë, do të ndodhte, nëse në vitin 2020, do të shthurej BE-ja? – Atëherë, ku do të bashkohej Shqipëria e Bamir Topit me Kosovën e Hashim Thaçit, duke qenë se, sipas Bamir Topit, bashkimi i Shqipërisë dhe i Kosovës, qenka vetëm Brukseli (BE-ja), e jo Tirana?!

Derisa Tirana zyrtare është kundër bashkimit, nuk mund të fajësohen as Evropa e as bashkësia ndërkombëtare!

Nuk ka asnjë dyshim se, BE-ja, do ta ndryshonte kursin e saj politik ndaj çështjes koloniale shqiptare në Ballkan, ashtu sikurse e ndryshoi me rasin e njohjes së Republikës së Kosovës. Mirëpo, pengesë kryesore është politika zyrtare e Tiranës, e cila, as në kuptim të ngushtë ( kur është fjala për bashkimin e Kosovës me Shqipërinë) , e as në kuptim më të gjerë( kur është fjala për bashkimin mbarëkombëtar shqiptar), nuk e mbështet bashkimin kombëtar shqiptar dhe të Shqipërisë natyrale. Kjo është fatkeqësia dhe tragjedia për bashkimin e kombit shqiptar dhe të Shqipërisë natyrale!!!

Derisa Tirana zyrtare të mos vihet në lëvizje drejt bashkimit të Shqipërisë me Kosovën, si dhe me pjesët e tjera të Shqipërisë natyrale, përpjekjet tona, do ngelin vetëm një shkronjë e shkruar në letër. Asgjë më shumë. Në atë moment, kur Tirana zyrtare, të ngrejë zërin botërisht se, ka ardhur koha për bashkimin e Shqipërisë dhe të shqiptarëve, atëherë, edhe Bashkimi Evropian (BE), do ta ndryshonte kursin e deritashëm të saj në favor të shkolonizimit dhe të bashkimit të shqiptarëve dhe të Shqipërisë natyrale. Ndryshe, opcioni i drejtë, i ligjshëm, demokratik dhe paqësor i bashkimit, do të mbetet vetëm një ëndërr e bukur, e realizueshme (ndoshta) në shekujt në vijim.

Vërtet, Evropa e vjetër e "Koncerit të Fuqive të Mëdha" "kishte të drejtë", ta kundërshtonte dhe ta mohonte bashkimin e shqiptarëve dhe të Shqipërisë natyrale, sepse ajo edhe pat investuar shumë në ndërtimin e strategjisë politike, ekonomike dhe ushtarake antishqiptare, duke e ndihmuar Serbinë, Malin e Zi dhe Greqinë për t’i copëtuar, kolonizuar dhe aneksuar territoret indigjene të shqiptarëve dhe të Shqipërisë(1878-1945).

Mirëpo, sot, në fillimshekullin XXI, Evropa e re integruese, reformuese, demokratike dhe paqësore, nuk ka asnjë të drejtë morale, ligjore as demokratike, që të kërkojë mosndryshimin e kufijve gjeopolitikë territorialë ndërmjet Shqipërisë dhe vendeve fqinje të saj me bagazh kolonialist (Serbia, Mali i Zi, Greqia dhe Maqedonia). Një politikë e tillë, është e padrejtë, joligjore, jodemokratike dhe, tërësisht diskriminuese ndaj shqiptarëve dhe Shqipërisë natyrale.

Pse, vetëm për shqiptarët e copëtuar, të kolonizuar dhe të aneksuar me agresion, me terror dhe me gjenocid shekullor nga Serbia, Mali i Zi, Greqia dhe nga "Maqedonia", nuk mund të ndryshohen kufijtë gjeopolitikë në Ballkan?!

Kjo është pyetja për Evropën e sotme të integruar dhe demokratike.

commentFirst article
Sot mund të lexoni Shfletoni kopertinat